Jeńilgenimdi moıyndaımyn
Qazaqstandyq áýesqoı boksshy Talǵat Syrymbetov Tashkentte (Ózbekstan) ótip jatqan álem chempıonatynda Azıanyń qazirgi chempıony ıordanıalyq Mohamed Abý-Djehten jeńilip qalǵanyna qatysty pikir bildirdi, dep habarlaıdy Almaty-akshamy.kz.
Qazaqstan boks federasıasynyń baspasóz qyzmetine bergen suhbatynda Talǵat jeńilgenin moıyndap, myqtyraq oralýǵa ýáde berdi.
«Búgin, ókinishke qaraı, men jeńilip qaldym. Tóreshilerdiń sheshimi týraly eshteńe aıta almaımyn. Sebebi jekpe-jek ótip ketti. Jeńilgenimdi moıyndaımyn. Barsha qazaqstandyqtardan keshirim suraımyn. Kelesi jekpe-jekterge odan da kúshti jáne myqty bolyp oralamyn», — dedi Syrymbetov.
Álem chempıonatyna alǵashqy ret qatysyp jatqan boksshymyz 1/16 fınalda Azıa chempıony - ıordanıalyq Mohamed Abý-Djadjehqa ese jiberdi. Osylaısha, Talǵat álem chempıonatyn aıaqtady.