13 óńirinde úsik júredi
4 mamyrda elimizdiń 13 oblysynda qolaısyz aýa raıyna baılanysty eskertý jarıalandy, dep habarlaıdy Almaty-akshamy.kz "Qazgıdromet" RMK baspasóz qyzmetine silteme jasaı otyryp.
Batys Qazaqstan oblysynda naızaǵaı oınap, kún kúrkireıdi, kúndiz oblystyń ońtústiginde burshaq jaýady dep boljanady. Oblystyń batysynda, ońtústiginde 15-20 m/s jyldamdyqpen ońtústik shyǵystan jel soǵady.
Jetisý oblysynyń soltústiginde, shyǵysynda soltústik-shyǵystan soqqan jeldiń ekpini 17-22 m/s, kúndiz Alakól aýdanynda 28 m/s quraıdy. Túnde oblystyń basym bóliginde synap baǵany -1-6 gradýsqa deıin tómendep, úsik júredi dep kútiledi. Taldyqorǵanda soltústik-shyǵystan jel soǵady, kúndiz ekpini - 15 m/s. Túnde synap baǵany -1-3 gradýsty kórsetedi.
Atyraý oblysynyń batysynda, ońtústiginde qatty jańbyr jaýyp, naızaǵaı oınaıdy, kún kúrkireıdi dep kútiledi. Oblystyń soltústiginde, shyǵysynda shańdy daýyl turady. Oblystyń basym bóliginde ońtústik-shyǵystan soqqan jeldiń ekpini 15-20 m/s quraıdy.
Túnde Almaty oblysynyń basym bóliginde synap baǵany -1-6 gradýsqa deıin tómendep, úsik júredi dep boljanady. Oblystyń soltústiginde, taýly aýdandarynda soltústik-shyǵystan soqqan jeldiń ekpini 15-20 m/s quraıdy. Almatyda túnde topyraq beti qatady, synap baǵany -1-3 gradýs sýyqty kórsetedi. Qonaevta da túnde úsik júredi, synap baǵany: - 1-3 gradýs.
Kúndiz Qyzylorda oblysynyń ortalyǵynda, shyǵysynda shańdy daýyl turady dep kútiledi. Túnde oblystyń shyǵysynda, ortalyǵynda shyǵystan 15-20 m/s, kúndiz oblystyń basym bóliginde 15-20 m/s, keı tusta 25 m/s jyldamdyqpen jel soǵady. Qyzylordada kúndiz shańdy daýyl turady dep kútiledi. Shyǵystan soqqan jeldiń ekpini - 15-20 m/s.
Túrkistan oblysynyń soltústiginde shańdy daýyl turady dep kútiledi. Oblystyń soltústiginde, batysynda, taýly aýdandary men taý bókterinde shyǵystan soqqan jeldiń ekpini 15-20 m/s, keı tusta 23-28 m/s deıin jetedi. Shymkentte shyǵystan soqqan jeldiń ekpini - 15-20 m/s, kúndiz - 25 m/s. Túrkistanda shyǵystan soqqan jeldiń ekpini - 15-20 m/s, kúndiz 25 m/s deıin jetedi dep kútiledi.
Abaı oblysynyń soltústiginde, batysynda, ońtústiginde soltústik-shyǵystan 15-20 m/s jyldamdyqpen jel soǵady.
Qaraǵandy oblysynyń ońtústiginde, shyǵysynda shyǵystan, soltústik-shyǵystan soqqan jeldiń ekpini 15-20 m/s bolady dep kútiledi.
Ulytaý oblysynyń ońtústiginde, soltústiginde shyǵystan 15-20 m/s jyldamdyqpen jel soǵady. Túnde oblystyń soltústiginde, shyǵysynda synap baǵany -3 gradýsqa deıin tómendep, úsik júredi.
Mańǵystaý oblysynyń ońtústiginde qatty jańbyr jaýyp, naızaǵaı oınaıdy dep boljanady. Oblystyń batysynda batystan, soltústik-batystan soqqan jeldiń ekpini - 15-20 m/s. Aqtaýda arakidik naızaǵaı oınaıdy. Batystan, soltústik-batystan soqqan jeldiń ekpini - 18 m/s.
Túnde Qostanaı oblysynyń ońtústik-shyǵysynda topyraq beti qatyp, synap baǵany -2 gradýsqa deıin tómendeıdi dep boljanady.
Jambyl oblysynyń soltústiginde shańdy daýyl turady dep kútiledi. Oblystyń taýly aýdandarynda, soltústik-shyǵysynda, ońtústik-batysynda soltústik-shyǵystan 15-20 m/s, keı tusta 23-28 m/s jyldamdyqpen jel soǵady. Tarazda soltústik-shyǵystan soqqan jeldiń ekpini - 15-20 m/s, tańerteń jáne tústen keıin soqqan jeldiń ekpini 25 m/s deıin jetedi.
Aqtóbe oblysynyń ońtústiginde, batysynda ońtústik-shyǵystan soqqan jeldiń ekpini 15-20 m/s bolady dep kútiledi.