Osy aptada Treds jelisinde qandaı taqyryp eń kóp talqylandy? Aqshamnews.kz tilshisiniń kezekti toptamasynan oqyńyz.
Májilistegi "Sazdy sálem"
Ádettegideı Tredstikter el jańalyqtaryn nazardan tys qaldyryp jatqan joq. "Nazar" demekshi, osy aptada májilis depýtaty Ardaq Nazarov naǵyz jeli juldyzyna aınaldy. Kezekti otyrysta minberde otyrǵan depýtat anasyn mereıtoıymen quttyqtaımyn dep basy daýǵa qaldy. Nazarovtyń eldiń muń-muqtajyn talqylaıtyn memlekettik orynda anasyna bólgen "nazary" jurttyń shamyna tıip, Tredste túrli ázilge arqaý boldy. Birnesheýine sholý jasap kóreıik.
"Eshkim bilmeıtin duǵa" satyldy
Jelide Aıagóz esimdi bloger "eshkim bilmeıtin, oqysańyz birden qabyl bolatyn qasıetti duǵa" satamyn dep kóptiń talqysyna qaldy. Blogerdiń "qupıa duǵa" satýy QMDB-nyń da nazaryna tústi. Basqarma bul áreketti aıyptap, "duǵa jasaý úshin eshqandaı aqsha tóleýdiń qajeti joq ekenin" eske saldy.
Al Treds jurty ádettegishe bul jańalyqty kúlkige aınaldyrdy.
Belgıa-Qazaqstan machy: "aıdyń ózi uıalǵanynan qyzaryp jatyr"
Qazaqstanda fýtbol taqyryby ázirge óte aktýaldy bolyp jatyr. 2026 jylǵy álem chempıonatynyń altynshy irikteý týrnırinde Belgıadan 6:0 esebimen jeńilgen qazaqstandyq fýtbolshylar da jeli qoldanýshylarynyń eń kóp talqylaǵan taqyrybyna aınaldy. Bas bapker Álıev te bul jeńilisten keıin dereý sheshim shyǵaryp, otstavkaǵa ketti. Álıev jyldam áreket etse de, Treds qoldanýshylary Qazaqstan fýtboly jaıly ázildep úlgerdi.
