Reseıde áıel qabaǵyn túzetý úshin plasıkalyq ota jasatyp, birneshe kúnnen beri esin jımaǵan.
Sheteldik basylymdardyń habalaýynsha, 36 jastaǵy Elena Pátıgorsk qalalyq klınıkalyq aýrýhanasynda blefaroplastıka jasatqan, dep habarlaıdy Almaty-akshamy.kz.
Astanatv.kz habarlaýynsha, ol sáýir aıynda kelip, barlyq qajetti analız taldamalaryn jasatyp, densaýlyǵynda otaǵa qarsy kórsetilimder joq ekenin anyqtaǵan. Ota jasaıty kezde dárigerler bul prosedýra eki saǵatqa sozylatynyn túsindirgen. Jarty saǵattan keıin áıeldiń jaǵdaıy kúrt nasharlaǵan. Onyń qannyń ottegimen qanyǵý deńgeıi tómendep, anafılaktıkalyq shok bastalyp, júregi toqtap qaldy. Qujattar boıynsha dárigerler reanımasıalyq sharalar ótkizip, blefaroplastıkany jalǵastyra bergen.
Elenanyń týystaryna dárigerler eshteńe bolǵan joq dep sendirgen. Denesinde qurysýlarǵa baılanysty dári-dármek komasyna jatqyzylǵanyn jáne kóp uzamaı esin jıatynyn aıtqan. Biraq Elena óz-ózine kelgen joq.
Elena birinshi dárejeli komaǵa túsken. Qazir tútiktiń kómegimen dem alyp, tamaqtanady. Mıy belsendi emes.
Elenanyń týystary buǵan Pátıgorsk dárigerlerin kinálaıdy. Olardyń aıtýynsha, ota jasaǵan plasıkalyq hırýrg Nına Safonova munyń bárin reanımasıalyq áreketterge jaýapty anestezıolog-reanımatolog Natalá Chısmanıdıge ysyryp qoıǵan. Al reanımatolog baılanys aıasynan tys jerde, habarsyz ketken.
Áıeldiń otbasy Reseıdiń Densaýlyq saqtaý mınıstrligine jáne tergeý komıtetine júgindi. İs áli tekserý satysynda.