Qyzyl jalyn sharpyǵan aýmaq 310 myń gektarǵa jetken.
Tilsiz jaýdy aýyzdyqtaýǵa myńǵa jýyq adam jumyldyrylǵan. 50 shaqty tehnıka tartyldy. Qazir óńir boıynsha 165 órt oshaǵy tirkeldi. Olardyń tek beseýin ǵana sóndirý múmkin bolǵan, dep habarlaıdy Almaty-akshamy.kz.
24.kz arnasynyń taratqan aqparatyna saı, lapyldaǵan ot ásirese shalǵaı aýdandarda jáne aıaq baspaıtyn aýdandarda kóbeıgen. Apattyq jaǵdaıǵa aptap ystyq pen naızaǵaıdyń jıileýi sebep deıdi mamandar. Reseı bıligi qalalarǵa jáne turǵyndary bar aımaqtarǵa qaýip tónip turǵan joq dep málimdedi.