100 bıznes-jobadan turatyn keıs qalyptasady.
Eńbek jáne halyqty áleýmettik qorǵaý mınıstri Tamara Dúısenova «Qazaq kartasy» týraly aıtty, dep habarlaıdy Almaty-akshamy.kz.
«Qazaq kartasy» 100 etnıkalyq qazaqqa – joǵary deńgeıdegi kásipqoılar nemese tabysty bıznes-keısterdi júzege asyrǵan jáne ony Qazaqstanda keńeıtýdi qalaıtyn basqa elderdiń azamattaryna berile otyryp engiziledi», - dedi Eńbekmıni basshysy.
Sonymen qatar Memleket basshysynyń tapsyrmasy boıynsha elimizdiń soltústik jáne ortalyq óńirlerine retteletin ishki kóshi-qondy uıymdastyrý tásilderi qaıta qaraldy.
Árbir qabyldaýshy óńir qonys aýdarýdy yntalandyrý úshin jumys kúshi tapshylyǵyn sezinip otyrǵan ekonomıkanyń basym sektorlaryn anyqtaıtyn arnaıy óńirlik baǵdarlama ázirleýde.
Elimizdiń basqa óńirlerinde qurylǵan qoldanystaǵy bıznes-jobalardy kóshirýdi jáne keńeıtýdi kózdeıtin soltústik jáne ortalyq óńirler úshin 100 bıznes-jobadan turatyn keıs qalyptasady.
Qonys aýdarýdy yntalandyrý úshin qonys aýdarý aýmaǵyndaǵy turǵyn úı qunynyń 50% deıin ótemaqy alýǵa quqyq beretin utqyrlyq sertıfıkaty engiziledi.
Memleket basshysy aıqyndaǵan kelesi basymdyq – halyqtyń tabysyn arttyrý, jumys isteıtin azamattardyń quqyqtaryn qorǵaý jáne halyqtyń áleýmettik osal sanattaryn qoldaý sharalaryn kúsheıtý.