JOO-da oqıtyn stýdentter ár salada jetistikke jetken tulǵalarmen kezdesti
Almatyda «Jastardy áleýmettendirý jáne ońaltý» jobasy jalǵasyp jatyr, dep habarlaıdy Almaty-akshamy.kz Almaty.tv-ge silteme jasap.
İs-shara aıasynda qaladaǵy JOO-da oqıtyn stýdentter ár salada jetistikke jetken tulǵalarmen kezdesip, suraq almasady. «Adyrna» qoǵamdyq qorynyń uıytqy bolýymen búginge deıin elimizdiń ár óńirinde 20-ǵa jýyq semınar-trenıng ótken.
Maqsat – jastardy eńbekke baýlý jáne olardyń shyǵarmashylyq áleýetin arttyrý. Joba Aqparat jáne qoǵamdyq damý mınıstrliginiń qoldaýymen uıymdastyrylyp otyr. Búgin ál-Farabı atyndaǵy Qazaq Ulttyq ýnıversıtetiniń stýdentteri belgili kásipker Syrymbek Taýmen kezdesti.
«Meniń kóp aıtatynym – qarapaıym bolý. Qazir biz qarapaıymdylyqty joǵaltyp aldyq ta, menmendikke salynyp kettik. Jastarda jetistikke jetý úshin eń birinshi ustanym: ol qarapaıymdylyq. Biz azǵantaı dúnıe bitse nemese azǵantaı abyroı bitse, qarapaıymdylyqtan attaımyz. Biraq osy bizge, kerisinshe, aldymyzdan soqqy bolyp tıip jatady», – dedi kásipker Syrymbek Taý.
«Bıznestiń qyr-syryn úıretý, olardyń tulǵa bolyp qalyptasýy úshin múmkindik berip otyrmyz. Onyń bári tegin. Sonymen qosa, jumyssyz jastardy tirkep, sosyn jumyspen qamtý ortalyq usynyp, olardyń ortalarynda dáneker bolyp, eki ortada baılanys uıymdastyryp, qyzmet atqaryp jatyrmyz», – dedi «Adyrna» qoǵamdyq qorynyń jetekshisi Arman Áýbákir.