Qazaqstanda belgıalyq fermerler álemge tanymal kók sıyrdyń tuqymyn ósirýge qyzyǵýshylyq tanytyp otyr.
Olar asyl tuqymdy sıyrdyń uryǵyn elimizge eksporttap qana qoımaı, jergilikti sharýalarmen fermalardy basqarý mal sharýashylyǵyna jańa tehnologıany engizý tájirıbesimen bólisýge daıyn, dep habarlaıdy Almaty-akshamy.kz.
Tıisti kelisimderge qazaqstandyq delegasıanyń Koróldikke jasaǵan sapary barysynda qol jetkizildi.
«Bizdiń fermerler iri qara mal ósirý men et jáne sút baǵytyndaǵy óndiris sektorynda belgili bir tehnologıalarǵa muqtaj. Meniń oıymsha, mundaı saparlar óte qajet. Sondyqtan qazaqstandyq sharýalardyń Belgıa provınsıalaryna kelýi úshin qajetti jumystardy ary qaraı jalǵastyra bermekpiz. Taǵy bir aıta keterlik jaıt, jýyrda belgıalyq seriktesterimiz qazan aıynda Astanada ótetin «QazAgro» agroónerkásiptik kórmesine qatysýdy josparlap otyr», - deıdi Qazaqstannyń Belgıa men Lúksembýrgtegi elshisi Marǵulan Baımuhan.