Parlament Senatynyń Tóraǵasy Máýlen Áshimbaev bastaǵan Atom elektr stansasyn salýdy qoldaý jónindegi Halyqtyq shtabtyń múshele Sh.Shókın atyndaǵy Qapshaǵaı GES-iniń qyzmetimen tanysyp, stansa mamandary men basshylyǵymen kezdesti.
Kezdesý barysynda eldiń energetıkalyq sektoryn damytý, otandyq kásiporyndardy turaqty energıamen qamtamasyz etý jáne energetıkalyq táýelsizdikti nyǵaıtý máseleleri jan-jaqty talqylandy.
«Búgingi tańda elimizdegi elektr energıasynyń kópshiligi kómir elektr stansıalarynan alynady. Alaıda bul model uzaq merzimdi energetıkalyq turaqtylyqty qamtamasyz ete almaıdy. Bizge senimdi ári qaýipsiz energıa kózi qajet. Atom energetıkasy osy máseleni sheshýdiń eń tıimdi joly bolyp tabylady. Onyń artyqshylyǵy — ekologıalyq taza ári birneshe onjyldyq boıy Qazaqstandy turaqty energıamen qamtamasyz etý múmkindigine ıe. Sonymen qatar, ózimizdiń atom elektr stansasyn salý arqyly kórshi elderden elektr energıasyn ımporttaý qajettiligi edáýir azaıady. Bul elimizdiń energetıkalyq táýelsizdigine qol jetkizýde asa mańyzdy ári ózekti qadam bolmaq», – dedi Máýlen Áshimbaev.
Talqylaý barysynda atom energetıkasynyń bolashaǵy, onyń ekologıalyq áseri jáne elimizdiń energetıkalyq júıesine qosar úlesi keńinen sóz boldy.