Parlament Senatynyń Tóraǵasy Máýlen Áshimbaev bastaǵan Atom elektr stansasyn salýdy qoldaý jónindegi Halyqtyq shtab Almaty oblysyna jumys saparymen keldi.
Shtab quramyna depýtattar, sarapshylar jáne qoǵam qaıratkerleri kirip, óńirdegi kásiporyn ujymdarymen, kásipkerlermen jáne jergilikti turǵyndarmen kezdesti. Kezdesýlerdiń basty maqsaty — Qazaqstanda AES salýǵa qatysty referendým ótkizý máselesin talqylaý.
Máýlen Áshimbaev kezdesýde Memleket basshysy Qasym-Jomart Toqaevtyń AES salý jónindegi jalpyulttyq referendým ótkizý bastamasynyń mańyzdylyǵyn atap ótti.
«Búgin biz osynda Prezıdentimiz Qasym-Jomart Kemeluly Toqaevtyń bastamasymen elimizde AES salý máselesi boıynsha respýblıkalyq referendým ótkizý máselesin talqylaý úshin keldik. Bul mańyzdy qadam — "Halyq únine qulaq asatyn memleket" tujyrymdamasynyń naqty kórinisi. Osy referendým arqyly biz qoǵamnyń pikirin eskerip, eldiń bolashaǵyna qatysty sheshim qabyldaıtyn bolamyz. AES salý Qazaqstannyń energetıkalyq táýelsizdigin nyǵaıtýǵa, ekologıalyq taza energıa óndirýge jáne ekonomıkalyq ósimge jol ashady. Sondyqtan qazaqstandyqtardyń bul bastamany qoldaıtynyna senimim mol», – dedi Máýlen Áshimbaev.
Kezdesýde AES qurylysynyń eldiń energetıkalyq turaqtylyǵyn arttyryp, ınvestısıa tartýǵa jáne jańa jumys oryndaryn ashýǵa yqpal etetini aıtyldy. Sondaı-aq, halyqtyń belsendi qatysýy jáne referendým arqyly óz pikirin bildirýi eldiń bolashaǵy úshin mańyzdy sheshim ekeni atap ótildi.