Bizdiń tilshimiz shahmattan ótken jarysta jeńdi
Jeńis qutty bolsyn!
Shahmattan Qazaqstan BAQ arasynda III Kýbokta birinshi oryndy "Vechernıı Almaty" gazetiniń ujymy ıelendi, dep habarlady Almaty-akshamy.kz.
Buqaralyq aqparat quraldary qyzmetkerleri kúnine oraılastyrylǵan is-shara oıyn Lichess.org platformasynda ótti. Ony Air Astana áýe kompanıasy men Qazaqstan shahmat federasıasynyń qoldaýymen uıymdastyrdy.
"Vechernıı Almaty" gazetiniń tilshisi Saıahat Boranbaev shahmattan Qazaqstan BAQ arasynda III Kýbokta birinshi oryndy ıelendi. Jeńiske jetkeni úshin oǵan Almaty-Dýbaı-Almaty baǵyty boıynsha 2 adamǵa ekonom-klass bıletteri tabys etildi.
Jeńimpazdan keıin birden ChessNews_Mulkubaev, DrOmar, bilimainasy_Yakhiya laqap attarymen oıynshylar ornalasty. Besinshi orynda "Alataý Aqparat" medıaholdınginiń taǵy bir ókili, "Vechernıı Almaty" saıtynyń tilshisi Tolqyn Táshimov tur.
TOP-10-ǵa QazaQstan_Mukashev, aikyn_bekov, Almas_Kozhemzharov, Khabar_Begalimov jáne TengeMonitor_Kumar laqap attarymen oıynshylar kirdi.
Ekinshi oryn júldegerine Almaty-Tbılısı-Almaty baǵyty boıynsha 2 adamǵa ekonom-klass bıletteri tabystaldy.
3 oryn júldegerine – Almaty-Nur-Sultan-Almaty baǵyty boıynsha 2 adamǵa ekonom-klass bıletteri.
Áıelder arasyndaǵy úzdik nátıje úshin syılyq – bıznes-klass jamylǵysy.
Eń ádemi partıa úshin syılyqqa ushaq modeli berildi.