Taraptar Qazaqstan men Reseı arasyndaǵy ózara yntymaqtastyqty nyǵaıtýǵa serpin berýge nazar aýdardy.
Májilis Tóraǵasy Nurlan Nyǵmatýlın elimizge resmı saparmen kelgen Reseı Federasıasy Keńesiniń Tóraıymy Valentına Matvıenko bastaǵan delegasıa ókilderimen kezdesti, dep habarlaıdy Almaty-akshamy.kz Rarlam.kz saıtyna silteme jasap.
Kezdesý barysynda taraptar eki el arasyndaǵy parlamentaralyq yntymaqtastyqty odan ári nyǵaıtý máselelerin talqylady.
Májilis Tóraǵasy atap ótkendeı, Reseı - Qazaqstannyń strategıalyq áriptesi, senimdi dosy jáne tatý kórshisi. Qos memleketti tamyryn tereńge tartqan kóp ǵasyrlyq tarıhı ortaq tamyrlastyq biriktiredi.
Sondaı-aq, Palata Spıkeri qos memleket arasyndaǵy qarym-qatynas Qazaqstannyń Tuńǵysh Prezıdenti-Elbasy Nursultan Nazarbaev pen Reseı prezıdenti Vladımır Pýtınniń ózara syndarly kelisimderiniń arqasynda joǵary deńgeıde damý jolyna túskenin, búginde Memleket Basshysy Qasym-Jomart Toqaev Máskeýmen strategıalyq seriktestikti odan ári nyǵaıtýǵa zor kóńil bóletinin atap ótti.
Kezdesý barysynda Nurlan Nyǵmatýlın mártebeli meımanǵa elimizdegi zań shyǵarý qyzmetiniń jańalyqtary týraly, saıası, áleýmettik, ekonomıkalyq reformalar jáne olardy zańdyq deńgeıde qamatamasyz etý barysyndaǵy jetistikter jaıynda baıandap berdi. Óz kezeginde Reseı Federasıasy Keńesiniń tóraıymy pandemıaǵa qatysty shekteýlerden keıingi alǵashqy saparyn arnaıy Qazaqstannnan bastap otyrǵanyn atap ótti. Valentına Matvıenko elimizdiń 30 jyldyq mereıtoıyn sóz ete kelip, tarıhı ólshemmen alǵanda az ǵana ýaqyttyń ishinde, bizdiń memlekettiń ekonomıkasy damyǵan, álemdik bedeli joǵary, zamanaýı demokratıalyq elge aınalǵanyn, Bul Qazaqstannyń Tuńǵysh Prezıdenti Nursultan Nazarbaevtyń eren eńbeginiń nátıjesi ekenin, qazirgi ýaqytta Prezıdent Qasym-Jomart Toqaevtyń basshylyǵymen tabysty jalǵasyp kele jatqanyn basa aıtty.
Sonymen qatar, eki el arasyndaǵy ózara tıimdi is-áreketke, ózara qurmetke negizdelgen berik yntymaqtastyq halyqtarymyzdyń ıgiligi jolynda aldaǵy ýaqytta qarqyndy damı beretinine toqtaldy. Kezdesý ıeleri parlamentaralyq, sonyń ishinde, TMD parlamentaralyq assambleıasy, Ujymdyq qaýipsizdik týraly shart parlamenttik assambleıalary, Eýropadaǵy qaýipsizdik jáne yntymaqtastyq uıymy, Parlamentaralyq Odaq aıasynda yqpaldastyqty tereńdetý jóninde áńgimeledi.
Nurlan Nyǵmatýlın men Valentına Matvıenko parlamentaralyq dıalog Qazaqstan men Reseı arasyndaǵy ózara yntymaqtastyqty nyǵaıtýǵa serpin beretinine nazar aýdardy.