DDU ókilderiniń pikirinshe, jahan jurtynyń 70 %-y vaksına saldyrý qajet. Sonda ǵana COVID-19 pandemıasyn aýyzdyqtaı alady ekenbiz.
Almatyda KVI ahýal áli de turaqtala qoıǵan joq. Halyqtyń birshamasy ekpe qabyldaýda. Birqatary áli de bolsa úrke qaraýda. Jappaı vaksına alǵan kezde indettiń betin qaıtaratynymyz anyq.
Psıholog Saqypjamal Sabyrovanyń oıy da osyǵan saıady. «Qazir ǵalamtorda FEIK aqparat kóp. Neshe túrli beınerolık, jazbalardan kóz súrinedi. Onyń bári keritartpa úgit. Dáliregi, adam jany teris dúnıege áýesteý keledi. Iaǵnı bir nárseni jaqsy etýden góri, onyń ekinshi qyryn aıtsańyz, eleń etedi. Shartty refleks tez oıanady. Sondyqtan búkilálemdik koronavırýstan qutylýdyń tóte joly bireý ǵana. Ol – vaksına ekenin túsingen abzal. Sonymen qatar, ekpe qabyldadym eken dep, sanıtarlyq rejımdi saqtamaýǵa bolmaıdy. Psıhologıada erte shattaný uǵymy bar. Sol sebepti betperdeni sheship tastap júrmeńiz. Óz saýlyǵyńyz óz qolyńyzda», – deıdi maman.
Betperde siz jutatyn aýaǵa – súzgi. Naqtyraq aıtqanda, ony da taza ustaý qajet. Eń negizgisi – barlyq karantındik talaptardy qatań saqtaý mańyzdy.