Almatyda 1 naýryz ben 1 sáýir aralyǵynda «Taza Qazaqstan» respýblıkalyq baǵdarlamasy aıasynda «Almaty – bizdiń ortaq úı̆imiz» atty aýqymdy qalalyq naýqan ótedi. Bul naýqan qala ınfraqurylymyn jańartý men jaqsartýǵa, ekologıalyq mádenıetti arttyrýǵa jáne turǵyndardy qalany damytýǵa tartýǵa baǵyttalǵan, dep habarlaıdy aqshamnews.kz
«Qurmetti turǵyndar! «Almaty – bizdiń ortaq úı̆imiz», al ár úı̆de tazalyq pen jaı̆lylyq bolýy kerek. Árqaı̆syńyzdy ózinen keı̆in qoqys qaldyrmaýǵa, tabıǵatty aıalaýǵa jáne tazalyq saqtaýǵa shaqyramyn. Bizdiń naýqanǵa atsalysyńyzdar! Qalamyz barshaǵa úlgi bolsyn! Almatyǵa degen qamqorlyqtaryńyz ben súı̆ispenshilikterińiz úshin rahmet!» – dep úndeý jasady Almaty qalasy ákiminiń orynbasary Álisher Ábdiqadyrov.
«Almaty – bizdiń ortaq úı̆imiz» naýqany qaladaǵy barlyq aýdandy qamtıdy. Chellendj, baı̆qaý, eko-kvest jáne fleshmob sıaqty túrli is-sharaǵa árbir almatylyq pen qala qonaǵy qatysa alady.
Sondaı̆-aq, naýqan barysynda ekologıalyq aksıalar ótedi. Olardyń qatarynda júgirý men qoqys jınaýdy biriktiretin ploggıng, mektep jáne balabaqsha oqýshylary arasynda plasık qaqpaqtaryn jınaýǵa arnalǵan «Meı̆irimdi qaqpaq» bastamasy, qaldyqtardan óner týyndylaryn jasaýǵa baǵyttalǵan «Qoqysty ónerge aı̆naldyr» baı̆qaýy, plasık bótelkelerdi qaı̆ta óńdeýge tapsyrýǵa arnalǵan Plastic Reboot, jaramdylyq merzimi ótken dári-dármekterdi jınaý jáne taǵy basqa is-sharalar bar.
«Byltyr bastalǵan ekologıalyq bastamalardy jalǵastyryp, qalamyzdy odan ári taza ári jaı̆ly etýge talpynamyz. 2024 jyly Almatyda jańa kóriktendirý erejeleri bekitilip, 6 myńnan astam kásipkerlik nysany úshin kóriktendirý tólqujattary júı̆esi engizildi. Qazirgi tańda 4 918 tólqujat rásimdeldi, bul jospardyń 82%-yn qurap otyr. Tólqujattaý irgeles aýmaqtarǵa, onyń ishinde ǵımarat qasbetteri, trotýarlar, jasyl aı̆maqtar jáne basqa da nysandar úshin jaýapkershilikti naqtylaýǵa múmkindik beredi», – dedi Almaty qalasy ákiminiń orynbasary Beı̆bit Shahanov.
Naýqan tórt taqyryptyq aptaǵa bólingen:
* «Taza kósheler» (1–9 naýryz) – aıaldamalar men jol belgilerin tazalaý, qoqys jáshikterin ornatý, magıstraldardy kórkeı̆tý.
* «Taza saıabaqtar, skverler men taýlar» (10–16 naýryz) – tabıǵı aı̆maqtarda senbilikter ótkizý jáne qoqys jınaý sharalary.
* «Taza aýlalar» (17–23 naýryz) – «Úzdik komýnaldyq qyzmetker» baı̆qaýy, qorshaýlar men kórkeı̆tý elementterin, balalar jáne sport alańdaryn boıaý (20–29 naýryz aralyǵynda).
* «Bizdiń qala – bizdiń maqtanyshymyz» (24 naýryz–1 sáýir) – eskertkishterdi kórkeı̆tý jáne jappaı̆ aǵash otyrǵyzý.
Naýqan aıasynda qala ınfraqurylymyn tolyqtaı̆ retke keltirý, 4 myńnan astam aýla aýmaǵyn tazalaý, 445 saıabaq pen skverde senbilik ótkizý, ózen jaǵalaýlaryn tazartý, 12 myńǵa deı̆in antıvandaldyq qoqys jáshikterin ornatý, 600-den astam zańsyz ornatylǵan nysandardy buzý, sondaı̆-aq 5000 aǵash pen buta otyrǵyzý josparlanǵan.
Tolyq aqparat Almaty.kz saı̆tynda jarıalanady