Almaty qalasy ákiminiń orynbasary Álisher Ábdiqadyrov «Taza Qazaqstan» respýblıkalyq baǵdarlamasy aıasynda ótetin «Almaty – bizdiń ortaq úı̆imiz» atty jalpyqalalyq aksıa bastalar aldynda turǵyndarǵa úndeý jasady. Ol barlyq almatylyqty naýqanǵa belsendi qatysyp, qalany odan ári kórkeı̆týge jáne kógaldandyrýǵa shaqyrdy, dep habarlaıdy aqshamnews.kz
«Qurmetti almatylyqtar! Naýryz – ejelden jańarý kezeńi. Ulystyń uly kúni qarsańynda halqymyz tabıǵattyń jańarýymen qatar, aı̆nalany tazalap, qorshaǵan ortany kórkeı̆týmen aı̆nalysqan. Bul ıgi dástúr búginge deı̆in jalǵasyp keledi. 1 naýryzdan bastap bizde «Almaty – bizdiń ortaq úı̆imiz» aksıasy bastalady. Barshańyzdy osy mańyzdy iske belsendi qatysýǵa shaqyramyn. Almatyny eń kórkem ári jasyl qalaǵa aı̆naldyrý bizdiń qolymyzda», – dedi ákimniń orynbasary.
A. Ábdiqadyrovtyń aı̆týynsha, naýqan 1 naýryz ben 1 sáýir aralyǵynda ótedi jáne 4 negizgi kezeńge bólingen.
Birinshi kezeń – «Taza kósheler»: aıaldamalar, baǵdarshamdar, jaıaý júrginshiler ótkelderi, jol belgileri, jaryqtandyrý qurylǵylaryn tazalaý, sondaı̆-aq qoǵamdyq oryndarǵa jańa qoqys jáshikterin ornatý.
Ekinshi kezeń – «Taza saıabaqtar men skverler»: turǵyndar men eriktilerdiń qatysýymen saıabaqtar, skverler jáne ózen jaǵalaýlarynda qoqys jınaý jumystary.
Úshinshi kezeń – «Taza aýlalar»: aýlalarda jergilikti senbilikter ótkizý, balalar jáne sport alańdaryn, kórkeı̆tý elementterin syrlaý.
Tórtinshi, sońǵy kezeń – «Bizdiń qala – bizdiń maqtanyshymyz»: tarıhı eskertkishter men mádenı nysandardy retke keltirý, jappaı̆ aǵash otyrǵyzý jáne qalany kógaldandyrý is-sharalary.
«Qurmetti turǵyndar! «Almaty – bizdiń ortaq úı̆imiz», al ár úı̆de tazalyq pen jaı̆lylyq bolýy kerek. Árqaı̆syńyzdy ózinen keı̆in qoqys qaldyrmaýǵa, tabıǵatty aıalaýǵa jáne tazalyq saqtaýǵa shaqyramyn. Bizdiń naýqanǵa atsalysyńyzdar! Qalamyz barshaǵa úlgi bolsyn! Almatyǵa degen qamqorlyqtaryńyz ben súı̆ispenshilikterińiz úshin raqmet!», – dep sózin túı̆indedi Álisher Ábdiqadyrov.
Aı̆ta keteı̆ik, «Almaty – bizdiń ortaq úı̆imiz» naýqanyna qatysty barlyq jańalyq Almaty.kz saı̆tynda jarıalanyp otyrady