Bul kórme – Qazaqstan Qolónershiler odaǵy men respýblıka sheberleriniń ózindik esebi.
2021 jyly 5 qarashada saǵat 15.00-de Ábilhan Qasteev atyndaǵy QR Memlekettik óner mýzeıinde «Sheber – 2020/2021. Bizdiń mura» festıvaliniń kórmesi ashylady, dep habarlaıdy Almaty-akshamy.kz atalǵan mýzeıdiń baspasóz qyzmetine silteme jasap.
Konkýrs Qazaqstan Qolónershiler odaǵynyń tóraǵasy Aıjan Bekqulovanyń basshylyǵymen 11 jyl boıy ótkizilip keledi.
Kórmege kelgen qonaqtar halyq ismerleriniń dástúrleri men qıal álemine qol jetkize alady. Ekspozısıanyń negizin Respýblıkalyq «Sheber» konkýrsy men «IýNESKO sapa belgisi» halyqaralyq konkýrsy jeńimpazdarynyń jumystary quraıdy. Munda júzden asa buıym bar. Kórmede qazaqtyń dástúrli qol óneri men Qazaqstannyń zamanaýı qoldanbaly óneri týyndylarynyń barlyq salasy túgel derlik kórsetiledi. Olardyń ishinde kıizden jasalǵan buıymdar, zergerlik óner, keste – biz keste, qysh, aǵash oıý, metaldy kórkemdep óńdeý, toqyma jáne dástúrli kıimder bar.
Konkýrstyń maqsaty – respýblıkada qolónerdi damytý, halyqtyq sándik-qoldanbaly ónerdiń umytylǵan túrlerin jandandyrý, qolóner sheberlerin Respýblıkalyq konkýrstarǵa qatysýǵa tarta otyryp, Qazaqstannyń barlyq óńirlerinde kóshpeli konsýltasıalar men sheberlik sabaqtary arqyly olarǵa kómek kórsetý. «Sheber» festıvali shyǵarmashylyq proseske dem berip, ulttyq ónerdi nasıhattaıdy. Bul qalalyqtar úshin úlken mereke, týrıser úshin Almatynyń kórkin arttyrý maqsatynda jumys isteıtin otbasylar úshin tamasha demalys.
Kórmeni 2021 jyldyń 5 jeltoqsanyna deıin tamashalaýǵa bolady.