Dúnıe júzinde vırýs tarala bastaǵannan beri ınfeksıa juqtyrǵan 5 021 452 adam qaıtys boldy.
Amerıkandyq Djons Hopkıns ýnıversıtetiniń málimetteri boıynsha beısenbi kúni tańerteń álemde COVID-19 koronavırýsyn juqtyrý sany 248 080 479-ǵa jetken, dep habarlaıdy Almaty-akshamy.kz INTERFAX.RU agenttigine silteme jasap.
COVID-19 ınfeksıasyn juqtyrý kórsetkishi 20 mıllıonnan asqan elderge AQSH, Úndistan jáne Brazılıa kiredi.
Vırýs juqtyrǵan jáne qaıtys bolǵan adamdar sany boıynsha AQSH alǵashqy orynda tur, onda COVID-19 juqtyrǵan 46 252 513 adam anyqtalǵan. Qaıtys bolǵandar sany 750 423 boldy.
Vırýs juqtyrǵandar sany boıynsha ekinshi orynda Úndistan tur, onda COVID-19-dyń rastalǵan jaǵdaıy 34 308 140-qa jetken, sol vırýstyń kesirinen qaıtys bolǵandar sany 459 191 adam.
Álemde koronavırýstyń taralýy boıynsha úshinshi orynda Brazılıa tur, onda pandemıa kezinde vırýs juqtyrǵan 21 mıllıon 835 785 adam tirkelip, onyń 608 235-i qaıtys boldy.
Álemdegi eń mańyzdy oqıǵalardyń statısıkasyn jasaýǵa mamandanǵan Worldometers portalynyń málimetinshe, búgin tańerteńgi jaǵdaı boıynsha álem halqynyń 1 mıllıonyna shaqqandaǵy ólim kórsetkishi 646,2 bolǵan. AQSH-ta 1 mıllıon turǵynǵa shaqqanda 2311 adam, Úndistanda - 329, Brazılıada - 2835 adam qaıtys bolǵan.