Byltyr elordadaǵy Oqýshylar saraıyna ál-Farabı ataýy berilgen bolatyn.
Nur-Sultan qalasynda álemniń ekinshi ustazy Ábý-Nasyr ál-Farabıdiń qurmetine eskertkish qoıylmaq, dep habarlaıdy Almaty-akshamy.kz
QazAqparattyń habarlaýynsha, kórnekti tulǵaǵa qoıylatyn eskertkishke qatysty áńgime elordanyń qalalyq máslıhat janyndaǵy qoǵamdyq keńes otyrysynda aıtyldy.
«2019 jyly Prezıdent Ákimshiliginen elordada ál-Farabı, Qurmanǵazy, J. Táshenov jáne taǵy basqa tulǵalarǵa eskertkish qoıý tapsyrmasy berildi. Ótken jyly pandemıaǵa baılanysty ál-Farabıge eskertkish ornatý keıingi shegerildi. Qazir eskertkish daıyndalyp jatyr. Jalpy bıyl J. Táshenov pen T. Bıgeldınovke eskertkish qoıýǵa qarjy bólindi», - dedi Nur-Sultan qalasynyń Strategıalyq jáne búdjettik josparlaý basqarmasynyń basshysy Qaısar Mańqaraev.