Qazaqstandyq ánshi, All Davaı tobynyń negizin qalaýshy jáne prodúseri Shoqan Maratuly Qazaqstanda atom elektr stansıasyn salý máselesi boıynsha referendýmǵa qatysty, dep habarlaıdy aqshamnews.kz.
Ánshi óz daýysyn berý úshin №537 saılaý ýchaskesi ornalasqan №17 mektep-ınternatyna bardy.
"Meniń azamattyq boryshym bolǵandyqtan referendýmǵa qatysý men úshin mańyzdy boldy. Munda bastysy halyqtyń óz oıyn jetkizýge múmkindigi bar. Sondaı-aq, referendýmnyń qorytyndysy elimizdiń qozǵalys, damý baǵytyn aıqyndaıdy", - dep ánshi óz pikirin aıtty.
Eske sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótýde. Qaladaǵy saılaý ýchaskeleri saǵat 20:00-ge deıin jumys isteıdi.