Almaty qalalyq aktıv otyrysynda qala ákimi Baqytjan Saǵyntaev qańtardaǵy qaqtyǵys kezinde zardap shekken turǵyndar men bıznes ókilderi jaıly sóz qozǵap ketti.
Megapolıste oryn alǵan jaǵdaı jastardy da beıjaı qaldyrmady. Qazirgi tańda elimizdegi, onyń ishinde qalamyzdaǵy kúrdeli jaǵdaı kezinde, Jetisý aýdany jastar resýrstyq ortalyǵynyń ókilderi jaǵdaıy tómen otbasylarǵa, jatahanada turatyn stýdentterge azyq-túlik jetkizip, kómektesip jatyrmyz. Almaty qalasy ákimdiginiń ǵımaratyna tazalaý jumystaryn júrgizip, senbilikke qatystyq. Osy oraıda tártipsizdik kezinde saýda oryndaryna, dúkenderge bilmestikpen urlyqqa túsken jastarǵa aıtarym, alǵan zattaryńyzdy anonımdik túrde qaıtarsańyzdar. "Urlyq túbi – qorlyq" demekshi, bolashaqtaryńyzǵa balta shaýyp almańyzdar. Sondaı-aq, búkil qazaqstandyqtardy, sonyń ishinde almatylyqtardy, aýyzbirshilik pen túsinistikke shaqyramyn. Elimizdiń eńsesin tezirek tikteýge barshamyz birige kúsh jumsaıyq.
