Baqytjan Saǵyntaevtyń zardap shekken bıznesti qalypqa keltirý jáne qalamyzdyń odan ári damýy jónindegi qalalyq aktıv otyrysyn ótkizýi barlyq almatylyqtardyń eńsesin bir kóterip tastady.
Ákim qalamyzdyń qandaı shyǵyndarǵa tap bolǵany jaıynda tolyq, jan-jaqty málimet berdi jáne qıyndyqqa tap bolǵan halqymyzdyń hal-jaǵdaıyn, ásem Almatymyzdy qalpyna keltirý boıynsha naqty josparlaryn ortaǵa saldy. İsińizge tek sáttilik bolsyn! Qaı salada bolmasyn, qıyndyq jeterlik. Eń aýyr kezeń basymyzdan ótti, báleket sonymen ketsin dep tileıik.
«Jumyla kótergen júk jeńil» deıdi halqymyz. Erligimizdi, birligimizdi kórsetetin kez bolyp tur. Adaldyq, sabyrlylyq, senimdilik joldasymyz bolsyn dep tileımin! Biz qıyndyqtardy birge eńseremiz! Eldiń tynyshtyǵy, amandyǵy, urpaqtarymyzdyń alańsyz ómir súrýi bárinen qymbat.
Almatylyqtardyń óz úlesin qosatyndyqtaryna, osy qıyndyqtardy qala basshylyǵymen birge sheshetindikterine senemin.