Qarashada jyly jáne aıazdy kúnder aýysyp otyrady.
Sınoptıkter bıyl qys jyly bolady dep boljady, dep habarlaıdy Almaty-akshamy.kz
"Qazgıdromet" RMK baspasóz qyzmeti Zakon.kz saıtyna aldaǵy qysqa arnalǵan kún raıy boljamyn usyndy.
Sınoptıkterdiń boljaýynsha, qarashada jyly jáne aıazdy kúnder alma-kezek aýysyp otyrady, aı boıy jaýyn-shashyn (jańbyr, qar) jaýyp, ekpindi jel soǵady.
"Soltústik oblystarda keı kúnderi jaıaý burqasyn soǵýy múmkin, Qazaqstan Respýblıkasynyń aýmaǵynda kóktaıǵaq bolady, tuman túsedi dep boljanyp otyr. Aıdyń ekinshi jartysynda respýblıkanyń soltústik jartysynda, shyǵysynda jáne ortalyǵynda aıaz bolady", - delingen kún raıy boljamynda.
Sınoptıkter bıyl qys 2001-2002 jylǵydaı bolady dep boljap otyr, ıaǵnı kún jyly ári jaýyn-shashyn normaǵa jaqyn ne odan joǵary bolady.
"Aldaǵy qysta Qazaqstan aýmaǵynda temperatýralyq fon klımattyq normadan 1-2 gradýsqa joǵary bolady dep kútilip otyr, tek jeltoqsan aıynda Qazaqstannyń basym bóliginde aýa temperatýrasy klımattyq norma sheginde bolady dep boljandy, al Qazaqstan Respýblıkasynyń soltústigi men shyǵysynda normadan 1 gradýsqa tómen bolady", delingen "Qazgıdromet" RMK baspasóz qyzmeti taratqan aqparatta.
Sondaı-aq qańtar-aqpan aılarynda elimizdiń basym bóliginde jaýyn-shashyn respýblıkanyń basym bóliginde normaǵa jaqyn, al soltústik jartysynda normadan tómen bolady dep boljandy.
Al naýryzda Qazaqstanda aýanyń ortasha aılyq temperatýrasy normadan 2 gradýsqa joǵary bolady, jaýyn-shashyn mólsheri de elimizdiń basym bóliginde normadan joǵary bolady dep boljanǵan.