Bıylǵy qarasha aıynda aýdan ákimderiniń kóp balaly analarmen segiz kezdesýi ótti

Kezdesýge barlyǵy 149 kóp balaly ana keldi. 

Aýdan ákimderiniń qalanyń kóp balaly analarymen 2022 jylǵy qarashaǵa arnalǵan bekitilgen kezdesý kestesine sáıkes, qala aýdandarynyń ákimderi 8 kezdesý ótkizdi, dep habarlaıdy Almaty-akshamy.kz.  

Kezdesýge barlyǵy 149 kóp balaly ana kelip, is-shara barysynda 128 másele qaraldy. Onyń 72-sine túsinikteme berilip, kezdesýden keıin 23 másele pysyqtaldy, 33-i boıynsha jumys istelip jatyr.

Negizgi máseleler:

• turǵyn úı alý tártibi (kezekke qoıý) - 31 (24%);


• bilim berý («Art.sport» baǵdarlamasy, balalardy mektepke jáne balabaqshaǵa ornalastyrý, mektep formasy) – 25 (20%);


• densaýlyq saqtaý – 9 (7%);


• áleýmettik járdemaqylar (AÁK, azyq-túlik jıyntyqtary) - 12 (9%);


• TÚKSH jáne abattandyrý (gaz tartý, sýmen jabdyqtaý jáne sý burý) - 8 (6%);


• jumysqa ornalastyrý jáne bızneske arnalǵan granttar – 7 (5%);


• jer telimin zańdastyrý jáne anyqtaý - 1 (1%);


• esepke alý (tirkeý) – 2 (2 %);


• alıment – 1 (1%);


• bıznes ashý – 2 (2%);


• basqa máseleler – 30 (23%).

Qala ákimi 2022 jylǵy jeltoqsanǵa aýdan ákimderiniń qalanyń kóp balaly analarymen kezdesýleriniń tıisti kestesin bekitti.

Aıta keteıik, buǵan deıin aýdan turǵyndarymen kezdesý barysynda kóptegen ótinishke baılanysty Almaty qalasynyń ákimi Erbolat Dosaev aýdan ákimderiniń kóp balaly analarmen aı saıyn kezdesýin tapsyrǵan bolatyn. 

 2022 jylǵy jeltoqsanǵa arnalǵan aýdan ákimderiniń qaladaǵy kóp balaly analarmen kezdesý kestesi