Qazaqstandyq taý týrızmi men sportty nasıhattaýǵa arnalǵan halyqaralyq Almaty Mount Fest festıvali Almatyda tórtinshi márte 2-5 qyrkúıek aralyǵynda ótedi. Sporttyq jarystar men mádenı is-sharalar negizinen bıik taýly «Medeý» jáne «Shymbulaq» kýrorttarynda ótedi, dep habarlaıdy Almaty-akshamy.kz.
«Almaty ashyq aýada demalýdy qalaıtyn áýesqoılar úshin tartymdy oryn bolyp sanalady. Almaty sheteldik kelýshilerdi ornalastyrý oryndaryna tirkeý boıynsha jetekshi qalalardyń úshtigine kiredi», - dedi Almaty qalasy týrızm basqarmasy basshysynyń orynbasary Marlen Maralov baspasóz konferensıasynda.
Uıymdastyrýshylarynyń aıtýynsha, festıváldiń barlyq kúnderinde 6 myńnan astam adam keledi dep kútilýde.
«Qala ákimdigimen birlesip, biz shynyǵý daıyndyǵynyń túrli deńgeıin eskere otyryp, belsendi demalys áýesqoılarynan kásibı sportshylarǵa deıin qarastyratyn arnaıy baǵdarlama ázirledik. Nıet bildirýshilerdiń barlyǵyn osynaý jarqyn qalalyq merekege kelýge shaqyramyz», - dedi baspasóz konferesıasynda «Shymbulaq» taý kýrortynyń dırektory Rınat Abdrahmanov.
Qatysýshylardy tirkeý 2022 jyldyń 9 tamyz ben 2 qyrkúıek aralyǵynda jalǵasady. Festıválge www.mountfest.kz arnaıy saıtynda tirkelýge bolady.