Polıseılerdiń málimetinshe, kúdiktiler qalanyń Almaly aýdanynda ustalǵan.
Tekserý barysynda olardyń birinen esirtki satylatyn saıttardyń mekenjaılary jazylǵan trafaretter men boıaýlar salynǵan baılam tárkilendi, dep habarlaıdy Almaty-akshamy.kz Polisia.kz-ke silteme jasap.
«24 jastaǵy Ch. esimdi azamat osyǵan deıin qaraqshylyq jasaǵany úshin sottalǵan. Jas jigit taǵy da zańdy buzdy. “Sýretshige” seriktes tabý qıynǵa soqpady. Ol esh jerde jumys istemeıtin 32 jastaǵy I. esimdi azamatty tapty. Sonymen qatar, eki aıyptalýshy da esirtki zattaryn paıdalanǵan, sol arqyly dostasqan. Kúdiktilerdiń aıtýynsha, olar bul ispen aınalysyp júrgenderine birneshe aı ǵana bolǵan. Al qabyrǵadaǵy bir mór úshin tólem shamamen 2-3 myń teńge bolady. Kúdiktilerdiń áreketteri QR QK-niń 299-baby 1-bóligi boıynsha saralanady. Zańnamada úsh jylǵa deıin bas bostandyǵynan aıyrý túrindegi jaza qarastyrylǵan», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.