2024 jyldyń İ jartyjyldyǵynda elimizdiń mádenı astanasy halyqqa baı mádenı baǵdarlama usynǵan.
Osy kezeńde qala turǵyndary men qonaqtary úshin 130-dan astam konsert uıymdastyryldy. Ol konsertterdi tamashalaý úshin shamamen 820 myń adam bıletter satyp alǵan6 dep habarlaıdy
Tek Respýblıka saraıynda alty aı ishinde 105 komersıalyq konsert ótken jáne 224 340 kórermen bılet satyp alǵan. Taǵy bir mańyzdy jaıt - bıletterdi satý jumysy almaty-ayenderi.kz portalynda, ıaǵnı elimizdegi jalǵyz memlekettik onlaın-satý servısinde jáne Respýblıka saraıynyń kasalarynda júrgizilgen.
Sońǵy jarty jylda Respýblıka saraıynda anshlagpen jáne birneshe seansta ótken qazaqstandyq ártisterdiń TOP-10 konserti: «MýzART» toby, Orda toby, Maqpal Júnisova, Amre, Baǵjan Oktábr, Turar Ydyrys, Kalifarniya, Ǵazızhan Shekerbek, NE PROSTO ORCHESTRA jáne Tynda music sımfonıalyq orkestrleri. Sondaı-aq elimizdegi negizgi konsert zalynyń sahnasynda jarty jyl ishinde Blue, C.C. Catch, K-Maro syndy basqa da sheteldik ártister tamasha óner kórsetti.
«Ár konsert – kásibı mamandardyń úlken eńbegi. Biz ıvent-kompanıalar men ártisterge, sondaı-aq is-sharalrdyń joǵary deńgeıde ótýine atsalysqan barlyq qurylymdarǵa alǵys aıtamyz. Mádenı is-sharalar halyqqa merekelik kóńil-kúı syılaıdy, odan bólek mádenıet jáne týrızm salalarynyń damýyna tikeleı yqpal jasaıdy. Sol arqyly qalamyzdyń ekonomıkasyn arttyrýǵa keshendi túrde áser etedi», - dep atap ótti Almaty qalasynyń Mádenıet basqarmasy.
Qańtar aıynan beri Almaty Arena kópfýnksıonaldy kesheninde qazaqstandyq jáne sheteldik tanymal ártisterdiń 12 keshi ótti. Jason Derulo, Vera Brejneva, «Irına Kaıratovna» toby jáne Qaırat Nurtas, Basta, MOT, Mıras Júginisov, ANNA ASTI, Mustafa Sandal, Nickol Sherzinger& T.I. jáne Scorpions tobynyń ónerin tamashalaý maqsatynda Almaty Arena-ǵa 78 950 kórermen kelgen.
2024 jyldyń birinshi jartysynda B.Sholaq atyndaǵy Sport jáne mádenıet saraıynda jáne «Suńqar» halyqaralyq shańǵy tramplınder kesheninde 5 konsert ótti, onda «Dos-Muqasan» ansambli, Urker, Dequine, Ghetto Dogs, SHIZA, Amre, ALPHA toby, Qazybek Quraıysh, Qanaı, Adil, Dosekesh, il 'HAN, Ulanǵasyr Kamı, All Davay, Nazima, abdr, Aıaý, Darrem, Merab Amzoev, Ivanýshka Int., Na-na toptary jáne basqa da ártister óner kórsetti. Atalǵan nysandarda ótken konsertter men festıválderge 17 500 adam kelgen.
Sondaı-aq megapolıste jyl basynan beri Naýryz meıramyna, Qazaqstan halqynyń birligi kúnine, Jeńis kúnine, Halyqaralyq balalardy qorǵaý kúnine arnalǵan konsertter jáne The Spirit Of Tengri festıvali Open Air formatynda ótti. Ashyq aspan astynda uıymdastyrylǵan aýqymdy mádenı sharalarǵa júzdegen myń almatylyq pen qala qonaǵy bardy.
Aıta keteıik, jýyrda kúzde bastalǵan teatr maýsymy aıaqtalady. Aldaǵy ýaqytta elimizdiń mádenı astanasynda usynylǵan qoıylymdar týraly aıtyp, maýsymdy qorytyndylaıtyn bolamyz.