Qazaqstanda densaýlyq saqtaýdaǵy sıfrlyq quraldardy masshtabtaý jalǵasýda.
2025 jyldyń birinshi jartyjyldyǵynda el halqyna 1,8 mıllıonǵa jýyq qashyqtyqtan medısınalyq qyzmet kórsetildi, bul jalpy sannyń 8,35%-yn quraıdy, dep habarlaıdy aqshamnews.kz.
Bul týraly Densaýlyq saqtaý vıse-mınıstri Erbol Ospanov vedomstvo alqasynda málimdedi.
Pasıentterdi sáıkestendirýdiń sıfrlyq quraldaryn qoldanýdy masshtabtaý sheńberinde el boıynsha medısınalyq uıymdardyń 80%-y qajetti veb-kameralarmen qamtamasyz etilgen.
Sıfrlyq sáıkestendirýden ótken pasıentterdiń úlesi 79%-ǵa deıin ósti.
Sondaı-aq, «Áleýmettik ámıan» arqyly dári-dármektermen qamtamasyz etý jumystary jalǵasýda, jyl basynan beri 6 aıda dári-dármekterge jiberilgen reseptilerdiń 76,3%-y qamtamasyz etildi, dep atap ótti E.Ospanov.
Sıfrlandyrýdy arttyrý jónindegi jumys sheńberinde densaýlyq saqtaý basqarmalarynyń basshylaryna medısınalyq uıymdardy veb-kameralarmen jaraqtandyrý jónindegi jumystardyń aıaqtalýyn qamtamasyz etý, pasıentterdi sıfrlyq sáıkestendirýge tolyq kóshýdi qamtamasyz etý, «Áleýmettik ámıan» arqyly dárilik zattardy qamtamasyz etý jónindegi sharalardy kúsheıtý tapsyryldy.