1996 jylǵy on segízínshí shíldede QR Prezıdentíníń "Qaruly Kúshterdíń áskerı rámízderí turaly" Jarlyǵyna qol qoıyldy.
Áskerı rámízder jauyngerlerdíń ūlttyq sıpatynyń erekshelígín kórsetíp qana qoımaı, Otan qorǵaushylardyń moraldyq-jauyngerlík ruhyn arttyrudyń tıímdí qūraly retínde qyzmet etedí, dep habarlaıdy aqshamnews.kz.
Qazaqstannyń áskerı rámízderíne Qaruly kúshterdíń sımvoly (emblemasy), jalauy, Tuy, Qūrlyq áskerleríníń, Áue qorǵanysy kúshteríníń, Áskerı-teńíz kúshteríníń tulary jáne áskerı bólímderdíń jauyngerlík tulary jatady.
Qazaqstan Qaruly kúshteríníń rámízderí memlekettílíktí, ozyq dástúrlerdíń sabaqtastyǵyn, jauyngerlík seríktestík, patrıotızm jáne adal qyzmet sıyaqty qūndylyqtarǵa negízdeletínín kórsetedí.
Qaruly kúshterdíń sımvoly – jıekterí altyn jolaqpen kómkerílgen bes būryshty jūldyz. Jūldyzdyń ortasynda kún sáulesí jáne onyń astynda qalyqtaǵan búrkít beınelengen.
Qazaqstan Qaruly kúshterí túrleríníń tulary olardyń sol áskerge qatystylyǵyn kórsetedí jáne áskerı ūjymnyń bírlígí, ór ruhy men bírlígí ıdeyalaryn beıneleıdí.
Jauyngerlík tu – áskerı bólímníń jádígerí, onyń jauyngerlík joly men dańqynyń sımvoly. Būl árbír áskerı qyzmetshíge Otandy qorǵaudyń erlík dástúrlerí men qasıettí paryzy ekenín eske salady.