Astana qalasynyń qylmystyq ister jónindegi mamandandyrylǵan aýdanaralyq sotynda burynǵy dıplomat Sáken Mamashqa qatysty úkim shyqty.
Sottyń úkimine sáıkes, Qazaqstan Respýblıkasy Qylmystyq kodeksiniń 110-baby 2-bóligi 1-tarmaǵy boıynsha Sáken Mamash kináli dep tanylyp, ortasha qaýipsizdik mekemesinde 6 jylǵa bas bostandyǵynan aıyryldy. Úkimdi sýdıa Artýr Abdyhanov jarıa etti, dep habarlaıdy aqshamnews.kz.
Sonymen qatar, Qylmystyq kodekstiń 49-babyna sáıkes, Sáken Mamash 1-synypty keńesshi dárejesindegi dıplomatıalyq ataǵynan aıyryldy.
Eks-dıplomatqa qatysty sot prosesi 10 maýsymda bastalǵan bolatyn. İs jabyq formatta qaraldy. Buǵan deıin sot oǵan bultartpaý sharasy retinde úıqamaq qoldaný týraly ótinishti qanaǵattandyrmaǵan edi.
Aıta keteıik, 2024 jyldyń mamyr aıynda Sáken Mamashtyń burynǵy jubaıy Karına Gosman onyń on jyl boıy denesine jáne jynystyq turǵyda kúsh qoldanǵanyn málimdegen. Osy málimdemeden keıin Saken Mamash qyzmetinen shettetilgen. Osy jyldyń 28 maýsymynda Sáken Mamashtyń ústinen densaýlyqqa qasaqana jeńil zıan keltirý faktisi boıynsha sot otyrysy ótken bolatyn.