2024 jyldan bastap Qazaqstanda vaýcherlik qarjylandyrý ádistemesin qoldana otyryp, mektepke deıingi tárbıe men oqytýǵa memlekettik tapsyrysty ornalastyrý boıynsha pılottyq joba iske asyryla bastady.
Búgingi tańda vaýcherlik qarjylandyrý Taraz (Jambyl oblysy), Túrkistan, Shymkent, Oral jáne Astana qalalarynda júzege asýda, dep habarlaıdy aqshamnews.kz.
Oqý-aǵartý mınıstrliginiń málimetinshe, mektepke deıingi bilim berýdi vaýcherlik qarjylandyrý jobasy belgilengen talaptarǵa saı bolǵan jaǵdaıda barlyq mektepke deıingi uıymdarǵa, onyń ishinde jańadan ashylǵan uıymdarǵa da memlekettik tapsyrysty ornalastyrýǵa múmkindik beredi.
Negizgi artyqshylyqtary: ata-analarǵa balabaqshany óz betinshe tańdaý múmkindigi beriledi, bul jeke jáne memlekettik mektepke deıingi uıymdar arasynda durys básekelestikti yntalandyrady. Júıe, eń aldymen, búkil qarjylandyrý prosesiniń ashyqtyǵyn qamtamasyz etedi, munda «aqsha uıymǵa emes, balaǵa beriledi».
Jańa júıe balabaqshaǵa kezekke turý prosedýrasyn jeńildetip qana qoımaı, sonymen qatar mundaǵy túrli zańsyz faktorlardy joıady. Vaýcherlik qarjylandyrý qaǵıdattarynyń biri — serpindi básekelestik qurý jáne tıisinshe qyzmet kórsetý sapasyn jaqsartý bolyp tabylatynyn atap ótken jón.
2025 jyldan bastap vaýcherlik qarjylandyrý júıesi el aýmaǵynda kezeń-kezeńimen engizile bastaıdy.