Almaty kitaphana salasyna ınovasıalyq sheshimderdi belsendi engizýdi jalǵastyrýda.
Megapolıstiń qoǵamdyq oryndarynda alǵash ret kitap berýge arnalǵan zamanaýı avtomattar ornatyldy, dep habarlaıdy aqshamnews.kz.
ÓKQ brıfıńinde «Almaty qalasynyń ortalyqtandyrylǵan kitaphana júıesiniń» dırektory Meıram Bektembaev aıtqandaı, osyndaı 24 derbes kitaphana toǵyz metro stansıasynda paıda boldy: «Raıymbek batyr», «Jibek joly», «Almaly», «Abaı», «Baıqońyr», «Muhtar Áýezov», «Alataý», «Saıran», «Máskeý», sondaı-aq, Medeý jáne Áýezov aýdandarynyń HQKO-larynda, «Spýtnık», «Atakent», «Azıa Park» saýda ortalyqtarynda, Medeý jáne Túrksib aýdandarynyń jastar komúnıtı-ortalyqtarynda jáne Sail kovorkınginde.
«Osy avtomattardyń kómegimen oqyrmandar dástúrli kitaphanaǵa barmaı-aq kitaptardy tańdap, ala alady, sondaı-aq ádebıetterdi 24 avtomattyń kez kelgenine nemese qalalyq kitaphanalar fılıalyna qaıtara alady. Ol úshin oqyrman bıleti bolýy kerek. Eger ol bolmasa, tirkeýden ótip, «qala oqyrmandary klýbyna qosylýǵa» bolady. Arnaıy bul úshin apparattardyń janynda barlyq tirkelgisi kelgen oqyrmandardy tirkep, bılet bere alatyn kitaphana qyzmetkerleri ýaqytsha jumys isteıtin bolady», – dedi spıker.
Sondaı-aq, árbir kitap alǵysy kelgen adam «Almaty kitaphanalarynyń» 30 fılıalynyń birinen oqyrman bıletin ala alady, onyń úsheýi táýlik boıy jumys isteıdi. Osydan keıin kitapsúıer oqyrman avtomatty óz betinshe paıdalana alady nemese almatylibrary.kz saıtynda óz betinshe tirkelip, qajetti kitaptarǵa tapsyrys berip nemese olardy onlaın rejıminde rezervke qoıa alady. Kitap alýshylar arasynda ony qaıtarý merzimi avtomatty túrde esepke alý úshin qadaǵalaý júıesi engizilgen. Bul týraly óńirlik komýnıkasıalar qyzmeti alańynda Qazaqstan Jazýshylar kitaphanasynyń jetekshisi Maqpal Muhammedova habarlady.
Marjan Muhammedova sózine súıensek Almaty mádenıet basqarmasyna qarasty kitaphanalardyń barlyq jumysy avtomattandyrylǵan. 1,3 mıllıonnan astam kitapty quraıtyn búkil kitap qorynyń biryńǵaı esebi quryldy. Qyzmetkerler elektrondy katalog júrgizedi, ádebıetterdiń kimniń qolynda ekenin ıjedel qadaǵalaıdy, bul qyzmet kórsetýdi edáýir jyldamdatady. Kitaptar men olardyń qol jetimdiligi týraly barlyq aqparat biryńǵaı málimetter bazasynan alýǵa bolady, al qorlardy paıdalaný statısıkasy qyzmetkerlerge ádebıetke degen suranysqa taldaý jasaýǵa kómektesedi.
Aıtqandaı, 2024 jyly qalalyq kitaphanalarǵa 3 mıllıonnan astam kelýshiler tirkelgen. Aıta keteıik, qala kitaphanalarynyń 95% - y jańǵyrtylǵan. Ár kitaphanada jıhaz jáne materıaldyq-tehnıkalyq baza jańartyldy, Internetke qoljetimdilik qamtamasyz etildi, sondaı-aq álemdik standarttarǵa sáıkes sheshimder engizildi