44 myńnan asa aýyl turǵyny qalalyq tirkeýge aýysady.
Bıyl Taraz qalasyna 14 eldi meken men Baızaq jáne Jambyl aýdandarynyń eki saıajaıy qosylady, dep habarlaıdy Almaty-akshamy.kz 24 kz arnasyna silteme jasap.
Bas jospar Úkimette bekitilse, 44 myńnan asa aýyl turǵyny qalalyq tirkeýge aýysady. Josparǵa sáıkes, shahar kólemi 30 myń gektarǵa deıin ósedi. Tarazdyń ákimi 2025 jylǵa deıin qala eki ákimshilik aýdanǵa bólinetinin málimdedi. Bul - halyq sanynyń 400 myńnan asýyna baılanysty oryndalatyn zańnamalyq talap. Sonymen qatar jyl sońyna qaraı oblys ortalyǵynda 3 jańa aýdannyń qurylysy bastalmaq. Olardyń árqaısysynda 60-70 kóp qabatty turǵyn úı men áleýmettik nysandar boı kóteredi. Tarazda kóp jyldan beri 2 kópirge qajettilik týyndaǵan. Bul máseleni sheshý úshin respýblıkalyq búdjetten 20 mlrd teńgeden asa qarjy bólinetin boldy.
Qala ákimi Baqytjan Orynbekovtyń aıtýynsha, «Za lınıeı» degen ataýy bar aımaqty qaladan temirjol bólip tur. Osy temirjoldyń ústinen aspaly kópir salý josparǵa engen. Bolashaq jańa shaǵynaýdandarmen qosý úshin 1,8 km quraıtyn aspaly kópirdiń qurylysy josparlanǵan».