Týrnır Tokıonyń 2023 jylǵy absolútti álem chempıonatyna irikteý maqsatynda uıymdastyryldy.
Almatyda karate shınkıokýshınkaıdan erler arasyndaǵy Qazaqstan Respýblıkasynyń kýbogy ótti, dep habarlaıdy Almaty-akshamy.kz
Karate saıysynda absolúttik salmaq dárejesi boıynda óńirlerden kelgen sportshylar baq synady.
Týrnırge elimizdiń barlyq óńirlerinen 18 jasqa tolǵan sportshylar qatysty. Bul týrnır Tokıonyń 2023 jylǵy absolútti álem chempıonatyna irikteý maqsatynda uıymdastyryldy. Osy jarys qorytyndysy boıynsha tórt myqty sportshy sonda attanady.
Sondaı-aq sportshylardyń jaı-kúıi jaıynda oı-pikirler aıtyldy. Bul týraly Qazaqstan Karate Shınkıokýshınkaı Federasıasy Prezıdenti Bolat Baqtaev aıtyp beredi.
«Bıyl qazan aıynda Japonıada karate shınkıokýshınkaıdan jarys ótedi. Osy týrnırden utqan 4 sportshyny alyp baramyz. Bul eresekter arasyndaǵy saıys bolady», - dedi ol.
Sonymen qatar, aldaǵy josparlarymen bólisti. Uıymdastyrylatyn sharalardyń jaǵdaıy, hal-ahýaly jaıynda oıymen bólisti.
«Ústimizdegi jyly 9-10 maýsymda Azıa chempıonatyn ótkizemiz. Jas mólsheri 12-21 jas aralyǵyn qamtıdy. Bul Almaty qalasynda ótedi», - dedi Bolat Baqtaev.
Elimizdegi karate sportynyń damý qarqyny boıynsha pikir aıtyldy.
«Ózim osy sportpen belsendi aınalysamyn. Alda Japonıadaǵy álemdik dodada top jarý qajet. El namysyn qorǵaý basty mindet dep túsinemiz», - dedi sportshy Elaman Muqashev.
