18-shi emhananyń júktemesi kóp.
Onyń úsh fılıalynda, medısınalyq qyzmetter kórsetýge arnalmaǵan úı-jaılarynda "Taýgúl-3", "Mamyr", "Qýanysh", "Shabyt" jáne "Atameken" shaǵynaýdandarynda turatyn 30 myńnan astam adamǵa qyzmet kórsetiledi, dep habarlaıdy Almaty-akshamy.kz.
Áýezov aýdany turǵyndarymen ótken kezdesýinde Almaty ákimi Erbolat Dosaev atalǵan medısınalyq mekemeniń máselesin sheshý úshin qandaı jumystar jasalyp jatqanyna toqtaldy.
«Meniń tapsyrmam boıynsha ótken jyly naýryz aıynda "Mamyr-1" shaǵynaýdanynda 200 adam qabyldaıtyn otbasylyq-dárigerlik ambýlatorıanyń qurylysy bastaldy. Qazir jumystar 80% jasaldy, bıyl naýryz aıynda tolyq aıaqtalýy kerek», - dedi qala basshysy E.Dosaev.
Sondaı-aq "Qýanysh" shaǵynaýdanynda №18 emhananyń aýysymda 300 adam qabyldaıtyn jańa negizgi ǵımaratyn salý úshin jer ýchaskesin satyp alý jumysy jalǵasýda. Qazirgi ýaqytta jer ýchaskesiniń ıesimen quny kelisilýde. Osy aıdyń sońyna deıin jer ýchaskesine baǵalaý júrgiziledi. Jer ýchaskesiniń ıesi onyń somasymen kelisken jaǵdaıda, jer ýchaskesi satyp alynady (búdjetti birinshi naqtylaǵannan keıin). Kelispegen jaǵdaıda, jer ýchaskesi sotpen alynady.