Bıyl Ramazan aıynyń birinshi kúni 23 naýryzǵa túsedi
Qazaqstan musylmandary dinı basqarmasy bekitken 2023 jylǵy kestege qaraǵanda, orazanyń bastalýy 23 naýryzǵa kelip tur. Qasıetti Qadir túni – 17 sáýirden 18 sáýirge qaraǵan tún. Al 21 sáýir – Oraza aıttyń birinshi kúni, dep habarlaıdy Almaty-akshamy.kz.
«Hıjrı aılarynyń bastalýy halyqaralyq astronomıalyq zertteý ortalyqtarynyń málimetteri negizinde jasaldy. Pátýa mamandary dinı merekelerdiń naqty kúnderi jańa aıdyń kórinýine baılanysty kórsetilgen ýaqyttan bir kún shegerilýi nemese alǵa jyljýy múmkin ekenin eskertedi», – delingen QMDB saıtynda.
Qurban aıttyń birinshi kúni 28 maýsymǵa túsip tur. Aıta keteıik, úsh kúndik merekeniń alǵashqy kúni elimizde demalys sanalady.