Joldarǵa 1624 tonna materıal sebildi
Almaty qalasy Komýnaldyq ınfraqurylymdy damytý basqarmasy10 jeltoqsanda saǵat 18:00-degi jaǵdaı boıynsha qalada qar tazalaý jumystary jaıly baıandady, dep habarlaıdy Almaty-akshamy.kz.
Saǵat 12:00-den bastap Almaty qalasynda qar jaýa bastady, "Qazgıdromet" RMK boljamy boıynsha 11 qańtar túske deıin qar jaýady dep kútiledi.
Almaty qalasynda qalyń qar jaýa bastaǵannan bastap, kóktaıǵaqtyń aldyn alý maqsatynda 143 qumshashqysh túnnen bastap joldarǵa kóktaıǵaqqa qarsy qospa sebe bastady. Saǵat 18:00-degi jaǵdaı boıynsha 1624 tonna, sonymen qatar, 122 tekshe metr suıyq reagent paıdalanyldy.
Jalpy paıdalaný oryndaryn, trotýarlardy, jaıaý júrginshiler aımaqtaryn, qoǵamdyq kólik aıaldamalaryn, jerústi jáne jerasty ótkelderin tazartý jumystary jalǵasýda. 512 birlik arnaıy tehnıka jáne 1076 jumysshy jumyldyryldy.
Túngi ýaqytta 460 dana arnaıy tehnıka, onyń ishinde 204 dana sypyrý-jınaý tehnıkasy jáne 360 jumysshy shyǵady dep josparlanýda.
Ár aýdanda 2 baǵan uıymdastyrylyp, kóktaıǵaqqa qarsy materıaldar qaıta sebiledi.
Merdigerlik kásiporyndarda qar tazalaý boıynsha táýlik boıy jumys uıymdastyryldy.
"Qazgıdromet" RMK boljamy boıynsha, aýa temperatýrasy 11 qańtarda túnde jáne tústen keıin -10...-12 gradýs sýyq bolady.
