Ol úshin respýblıkalyq búdjetten 3,5 mlrd teńge qarastyrylǵan.
Bul jaıynda Veterınarıalyq baqylaý jáne qadaǵalaý komıtetiniń tóraǵasy Asqar Jaqypbaev aıtty, dep habarlaıdy Almaty-akshamy.kz QazAqparatqa silteme jasap.
«Vaksınalaýǵa byltyr konkýrs ótkizgenbiz. 1 mlrd 600 mln teńge únemdelgen. Osy aqshaǵa aýsylǵa qarsy ekpe alyndy. Reseı Federasıasynyń Vladımır qalasynda óndirilgen vaksınany satyp alǵanbyz. Halyqaralyq búroǵa málimetter berildi. Qazir sol jaqtan komısıa tosyp otyrmyz. Naýryz, sáýir aılarynda keledi. Mamyrda ótetin 90-sessıasynda «Qazaqstan aýsyldan taza, vaksına qoldaný kerek» degen sheshim qabyldanady», - dedi ol.
Komıtet basshysy aýsylǵa qarsy ekpeniń shyǵyny respýblıkalyq búdjetten bólingendikten, qarapaıym mal ıeleri úshin bul tegin bolatynyn eskertti.
«Bıyl búkil respýblıka boıynsha vaksına egiledi. Sol úshin vasına satyp alý týraly konkýrs jarıaladyq. Oǵan 3,5 mlrd teńge qarastyrylǵan.
Halyqalyq epızotıkalyq búronyń asa qaýipti aýrýlar tizbesinde 88 aýrý engen. Onyń 45-i belgili bir kezderi Qazaqstan aýmaǵynda tirkelgen. Biraq sonyń tek 23-ine ǵana respýblıkalyq búdjetten vaksına satyp alamyz. Aýsyl sonyń ishinde. Memleket ózi satyp alatyn vaksınalar halyq úshin tegin. Muny halyq ta, sharýa qojalyqtary jaqsy biledi», - dedi Asqar Jaqypbaev.