Osylaısha, qazaqstandyq avıakompanıalar rekordtyq kórsetkishke qol jetkizdi.
Avıasıa salasynda áýe kóligin paıdalaný mádenıeti belsendi túrde qalyptasyp keledi, dep habarlaıdy Almaty-akshamy.kz.
Kólik mınıstrliginiń málimetinshe, áýe tasymaldar halyq arasynda kóliktiń neǵurlym tanymal túrine aınalýda, jolaýshylar tasymalynyń 23%-ǵa ulǵaıýy munyń birden bir dáleli.
2023 jyly tasymaldanǵan jolaýshylar sany 13 mln-ǵa jetti.
Qazaqstandyq avıakompanıalardyń áýe kemeleriniń parki 89-dan 99 birlikke deıin, al kreslo-oryndardyń syıymdylyǵy 12-den 15 myńǵa deıin ulǵaıtyldy. Qabyldanǵan sharalar áýe tasymaldardyń qoljetimdiligin jaqsartýǵa jáne reısterdiń júıeliligin arttyrýǵa múmkindik beredi.
Jeke ınvestısıalar esebinen Shymkent, Qyzylorda jáne Almaty qalalarynda 3 jańa jolaýshylar termınalynyń qurylysy júrgizilýde. Atalǵan nysandar kelesi jyldyń naýryz, mamyr jáne maýsym aılarynda aıaqtalady dep josparlanyp otyr.
Barlyq óńirdi qoljetimdi avıatasymaldarmen qamtý maqsatynda 23 ishki áleýmettik mańyzy bar jáne týrısik baǵyt sýbsıdıalandy.
Jyl sońyna deıin qazaqstandyq áýejaılar 25 mln-nan astam jolaýshyǵa qyzmet kórsetedi, bul 2022 jylmen salystyrǵanda 22%-ǵa artyq.
İshki tasymaldaý kólemi tolyǵymen qalpyna keltirildi jáne aptasyna 50 baǵyt boıynsha 640 reısti quraıdy.
28 elmen halyqaralyq áýe qatynasy jolǵa qoıylǵan. Bıyl 23 baǵyt boıynsha 13 elge jańa reıster jańartylyp, ashyldy.