Almaty qalasy men Almaty oblysyn elektr qýatymen qamtamasyz etýde zamanaýı tehnologıalardy qoldanysqa engizip otyrǵan «Alataý Jaryq Kompanıasy» AQ qala baǵdarlamasyna sáıkes megapolıstegi elektr jelileri men shaǵyn stansalardyń basym bóligin qaıta jabdyqtap, jaraqtandyrýda.
İske qosylǵan qosalqy stansıalar jelilerdiń ótkizý qabiletin arttyrýǵa, elektr energıasyn berý kezindegi tehnıkalyq shyǵyndardy jáne jelilerdegi úzilister sanyn azaıtýǵa, qorshaǵan ortany qorǵaýǵa, sondaı-aq jańa tutynýshylardyń qosylýyn qamtamasyz etip, jelidegi kerneý sapasyn arttyrýǵa múmkindik beredi. Jańa qosalqy stansıalar shaǵyn jáne orta bıznes sýbektilerin senimdi jáne turaqty túrde elektrmen jabdyqtap qana qoımaı, óńirge qajetti áleýmettik-mádenı mańyzy bar obektilerdi salý múmkindigin de keńeıtýde. Salynǵan energetıkalyq nysanda álemdik jetekshi óndirýshilerdiń joǵary vóltty jabdyqtary ornatylǵan.
Investısıalyq baǵdarlamaǵa sáıkes Almaty qalasynda jalpy uzyndyǵy 150 shaqyrymǵa jýyq kabeldik jelilerdiń qurylysyn, 85 transformatorlyq qosalqy stansalardy qaıta jańǵyrtý jumystary aıaqtaldy. Almaty qalasynyń tarıhı ortalyǵy sanalatyn Arbat, ıaǵnı Jibek joly dańǵylynyń boıynda ornalasqan belgili demalys jáne saýda ornynda úlken jumys atqaryp, jer astymen jiberilgen kabeldik jeliler aýystyryldy.
Qala aýmaǵynda ornalasqan 56 qosalqy stansıanyń 37-si jańǵyrtylyp, Almaty oblysyndaǵy óndiristik aımaǵy sanalatyn Kókózek pen Qaınazar aýyldarynda jańa qosalqy stansıa salyndy. Sonymen qatar Ótegen batyr, Talǵar men Qarasaı aýdandarynda qosalqy stansıalardy jańǵyrtý jumystary júrgizildi.
«Alataý Jaryq Kompanıasy» AQ tehnıkalyq jabdyqtaryna da erekshe nazar aýdarýda. Avtoparktegi kólikter josparǵa sáıkes jyl saıyn jańartylsa, bıyl qazirgi qoldanysta júrgen eskirgen avtokólikterdiń 80-nen astamyn jańartyp apatty jaǵdaılar kezinde energetıkterdiń jumys isteýine qolaıly bolý úshin modernızasıalanǵan kóliktermen tolyqty.
Qoıylǵan mindetterdiń oryndalýy, joǵary vóltty elektr jelilerinen, avtomattandyrylǵan basqarý júıesi bar qosalqy stansıalardan, qýatty transformatorlardan jáne t.b. zamanaýı energetıkalyq ınfraqurylymdy paıdalana otyryp salynǵan nysandardyń arqasynda júzege asýda. Alaıda, qalanyń shekarasy jyl saıyn keńeıýde, elektr energıasyn tutyný kólemi de aıtarlyqtaı artýda. Demek, «Alataý Jaryq Kompanıasy» AQ qyzmetine artylatyn mindet jyl sanap ósýde. Bizdiń mamandar osy mindetti qaltqysyz oryndaýda aıanbaı eńbek etýde.