Aǵymdaǵy jyldyń 30 jeltoqsanynan bastap Bostandyq, Túrksib, Jetisý jáne Naýryzbaı aýdandarynda aqyly trotýar turaǵyna mınýttyq aqy tólenedi, dep habarlaıdy almaty-akshamy.kz
Bostandyq aýdanynda 9 aımaq jáne 710 avtoturaq bolady, onyń ishinde múmkindigi shekteýli jandarǵa arnalǵan 45 oryn bar.Túrksib aýdanynda 1 aımaq, 305 turaqoryn, múmkindigi shekteýli jandarǵa arnalǵan 15 oryn bar.
Jetisý aýdanynda 2 aımaq, 201 turaqoryn jáne múgedektigi bar adamdar úshin 20 oryn bar. Naýryzbaı aýdanynyń 1 aımaǵynda 75 turaqorynbar, múmkindigi shekteýli jandar úshin 2 oryn jumys isteıtin bolady.
«Almatyparkıng» KMK yńǵaıly bolý úshin «Almaty turaqtary» mobıldi qosymshasyn paıdalanýdy usynady.
Aqyly trotýar turaǵynyń jumys rejımi kún saıyn saǵat 8:00-den 19:00-ge deıin. Bir saǵattyń quny - 100 teńge.
Avtoturaq úshin aldyn ala tólemdi kelesi tásildermen jasaýǵa bolady:
- «Almaty avtoturaqtary» mobıldi qosymshasy arqyly mınýt saıyn. Bul qosymshany telefonǵa Play Market jáne Apple Store júkteýge bolady;
- almaty-parking.kz saıtynda;
- Kaspi.kz. mobıldi qosymsha arqyly aqparattyq taqtashalardaǵy QR-kod boıynsha
- Kassa 24 termınaly;
Sondaı-aq, Kcell, Activ, Beeline, Tele2, Altel abonentteriniń 1309 nómiri boıynsha SMS habarlama jiberý arqyly mobıldi shottyń balansynan turaq aqysyn tóleý múmkindigi bar. Tólem úshin taqtaıshada kórsetilgen turaq nómirin, avto nómirin jáne «*» belgisi arqyly saǵat sanyn kórsetý qajet. Mysaly, 6021*123AA02*1.
Búgingi tańda komýnaldyq kásiporyn ekinshi deńgeıdegi bankter (Halyk bank, CenterCredit, RBK, Jusan jáne Forte bank) arqyly QR-tólemdi ıntegrasıalaý arqyly tólem ádisterin ulǵaıtý múmkindikterin belsendi ázirleýde.
Eske salsaq, 11 qyrkúıekte Medeý aýdanynda jáne 11 jeltoqsanda Almaly aýdanynda aqyly turaq júıesi iske qosyldy. Bul rette qaladaǵy alańdyq úlgidegi turaqtar shtattyq rejımde jumys isteıdi.
Buzýshylyqtardy tirkeý avtomatty rejımde, mobıldi keshenderde (arnaıy avto) júredi.
Almaty parkıng KMK atap ótkendeı, rezıdenttik kelisimder men abonementterdi uıymdastyrý máselesi ázirlenýde. Almaty qalasynyń aqyly turaq aımaǵynyń shekarasynda kólik quraldaryn tegin turaqqa qoıý quqyǵyna azamattardyń jeńildetilgen sanattary ıe. Ótinishter ONLINE eOtinish servısi arqyly, Almaty-parking.kz saıttaǵy silteme boıynsha qabyldanady nemese kórsetilgen qujattar paketin myna mekenjaıǵa jiberiledi: Almaty qalasy, Bostandyq aýdany, Baıseıitova kóshesi, 40, turǵyn emes úı-jaı 71, 5 kabınet. Call-ortalyq: + 7 (727) 390-8000 kún saıyn tańǵy 8:00-den 20:00-ge deıin jumys isteıdi