Oń dınamıkaǵa baılanysty bolady.
Ulttyq Banktiń jańartylǵan boljamdary boıynsha 2022 jyly Qazaqstanda ekonomıkanyń damýy 2,8-3,8% deńgeıinde qalyptasady, dep habarlaıdy Almaty-akshamy.kz cilteme jasap.
«JİÓ-niń dınamıkalyq ósý qarqyny 2022 jylǵy qańtar-sáýirde qalyptasqan joǵary faktige, sondaı-aq jyldyń sońyna deıin ekonomıkanyń barlyq negizgi salalarynda kútiletin oń dınamıkaǵa baılanysty bolady», – dep jazylǵan Ulttyq Banktiń habarlamasynda.
Alaıda, geosaıası daǵdarys, syrtqy suranystyń álsireýi jáne taýar jetkizý tizbeginiń qaıta qurylýy ekonomıkanyń ósý qarqynynyń jyldamdaýyn tejeıdi.
«Geosaıası belgisizdik aıasynda Qazaqstannyń eksporttyq jetkizilimderiniń halyqaralyq naryqtarǵa qol jetkizýiniń yqtımal problemalary JİÓ boljamynyń táýekeli bolyp tabylady, bul ony iske asyrý kezinde JİÓ-niń ósý boljamyn meılinshe tómen qarqyn jaǵyna qaraı qaıta qaraýǵa áser etýi múmkin», – dep habarlady elimizdiń bas qarjy ınstıtýty.