2023 jyly Qazaqstanda gaz eksporty toqtap qalýy múmkin.
Bul týraly Májilistegi Úkimet saǵatynda QazaqGaz UK AQ Basqarma tóraǵasy Sanjar Jarkeshov málim etti, dep habarlaıdy Almaty-akshamy.kz QazAqparatqa silteme jasap.
«2024 jyly gaz salasy daǵdarysqa tap bolýy múmkin. Eger tutynýshylardyń barlyq ótinimderin oryndasaq, onda bul daǵdarys 2023 jyly baıqalady. Birinshiden, taýarly gazdyń tapshylyǵy 2024 jyly bastalady. İshki naryqqa qajet kólem qolda bar resýrstardan asyp túsedi. Eger shuǵyl sharalar qabyldanbasa, gaz eksporty 2023 jyly toqtap qalýy yqtımal», - dedi S. Jarkeshev.
Osy oraıda ol ishki baǵany sýbsıdıalaý baǵytynda eksport basty tabys kózi bolǵanyn eske saldy.
«İshki naryqta jańadan iri tutynýshylar paıda bolyp otyr. Olardyń arasynda jylý elektr ortalyqtaryn gaz jaǵýǵa aýystyrý jobalary, jańa óndiristerdi gazǵa qosý, sondaı-aq iri komersıalyq tutynýshylardyń júıege qosylýy bar», - dedi basqarma tóraǵasy.
S. Jarkeshev Májilistegi Úkimet saǵatynan keıin tilshilerge gaz eksportynyń sharttary týraly aıtty.
«Jyl saıyn bizde Qytaımen 10 mlrd-qa deıin eksporttyq kelisim bar. Alaıda bul kólemdi oryndaı almaı otyrmyz. Sebebi eksportqa tıesili gaz elimizdiń ishki naryǵyna baǵyttalyp jatyr. Elimizde ishki naryqty qamtamasyz etýge basymdyq qoıylǵan», - dedi ol.
Budan buryn habarlanǵandaı, 2025 jylǵa qaraı otandyq gazdyń tapshylyǵy bolýy múmkin. El ishinde gaz tutyný kólemi turaqty túrde ósip keledi. Sonymen qatar Sanjar Jarkeshov Qazaqstan gazynyń eksportyn 5 mlrd tekshe metr deńgeıinde saqtaýǵa basymdyq berilýi kerek ekenin aıtty.