Bul týraly Aýyl sharýashylyǵy mınıstri Aıdarbek Saparov aıtty.
Maqta alqabyn 16 myń gektarǵa, al kúrish alqabyn 6,4 myń gektarǵa qysqartý josparlanyp otyr, dep habarlaıdy Almaty-akshamy.kz
Aýyl sharýashylyǵy mınıstri sýdy kóp qajet etetin daqyldardyń alańyn qysqartý sharalary jalǵasa beretinin málimdedi.
Bıyl maqta alqabyn 16 myń gektarǵa, al kúrish alqabyn 6,4 myń gektarǵa qysqartý josparlanyp otyr. Al azyqtyq daqyldar alańyn 68 myń gektarǵa ulǵaıtyp, 3,2 mln gektarǵa deıin jetkizý josparlanǵan.
"Maıly daqyldar alańyn 385 myń gektarǵa ulǵaıtý josparlanýda, bul jalpy egis alańyn 3,2 mln gektarǵa deıin jetkizýge múmkindik beredi. Onyń ishinde kúnbaǵys sıaqty áleýmettik mańyzy bar daqyl alańyn 60 myń gektarǵa ulǵaıtyp, 1,2 mln gektarǵa deıin jetkizý josparlanyp otyr", dedi Saparov.
Mınıstrdiń aıtýynsha, bıyl jappaı egis naýqany mamyr aıynyń ekinshi onkúndiginde bastalady. Aýyl sharýashylyǵy daqyldarynyń boljamdy egis alqaby 23,8 mln gektardy qurap otyr. Sonyń ishinde bıdaıǵa 13,3 mln gektar egistik alańdary bólingen.
"Jalpy, astyq daqyldary, kókónis-baqsha daqyldary, kartop boıynsha josparlanǵan alańdar ishki naryqtyń qajettilikterin tolyq qamtamasyz etýge múmkindik beredi", dep atap ótti mınıstr.