Qazaqstandyq álpınıser men olardyń lıtvalyq áriptesi alǵash ret Argentınadaǵy Cerro Torre shyńyna shyqty, - dep habarlaıdy almaty-akshamy.kz.
Ekspedısıa qatysýshysy, qazaqstandyq Denıs Lýkánchýk redaksıanyń WhatsApp nómirine habarlasyp, sýretter jiberip, shyńdy qalaı baǵyndyrǵanyn aıtyp berdi. Olar bıylǵy maýsymda Cerro Torre shyńyna jetken úshinshi komanda atandy. Komanda quramy kelesideı boldy: ekspedısıa jetekshisi Omar Áserbekov, komanda kapıtany Grıgorıı Shýkın, operator Denıs Lýkánchýk jáne Marıýs Grýzaýskas.
Komandanyń taýǵa shyǵýy bes kúnge jalǵasty. Olar 60 shaqyrymdyq asýlar men muzdyqtardy kesip ótti. Sonymen qatar álpınıser toby 1700 metr bıiktikke kóterilip, "Ragnı" marshrýtyn baǵyndyrdy. Sapar barysynda olar kúrdeli relefke tap boldy. Ekspedısıa qatysýshysynyń aıtýynsha, kóptegen tehnıkalyq ýchaske joǵary sanatqa, ıaǵnı 6-sanatqa jatqyzyldy. Patagonıada olar basqa shyńdarǵa da kóterildi. Olardyń ishinde Mojon Rojo, Aguja Poincenot, Aguja Medialuna bar.
Denıs Lýkánchýk komandanyń batyldyǵyna tańǵalǵanyn jasyrmady. Sonymen qatar ol álpınıser týraly fılm túsirý josparda bar ekenin atap ótti.
"Biz Qazaqstanda álpınızmdi nasıhattaýǵa tyrysamyz. Onyń qaýiptiligi men tektiligi týraly qazaqstandyqtarǵa ǵana emes, búkil álemge jarıa etkimiz keledi. Bul joba biz úshin óte mańyzdy jáne ony bolashaqta jalǵastyrýdy josparlap otyrmyz. Biz Pákistanǵa, AQSH-qa nemese Jańa Zelandıaǵa jańa ekspedısıaǵa shyǵý múmkindigin talqylap jatyrmyz", - dedi qazaqstandyq.
Aıta keteıik, Cerro Torre - Argentına men Chılı shekarasynda ornalasqan Ońtústik Patagonıadaǵy eń tanymal jáne adam aıaǵy jetýi qıyn taýlardyń biri. Cerro Torre shyńynda qatty jel saldary