Tólem mólsheri bala sanyna qaraı eseptelip tólenedi.
Jyl basynan beri kóp balaly otbasylar 227,4 mlrd teńge járdemaqy aldy, dep habarlaıdy Almaty-akshamy.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
«Jyl basynan beri kóp balaly otbasylarǵa beriletin memlekettik járdemaqy tólemderimen orta eseppen 501,2 myń otbasy qamtyldy, onyń ishinde tamyz aıynda 501,4 myń otbasyna 28,8 mlrd teńge járdemaqy tólendi», - dep naqtylady vedomstvo.
Bul memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Tólem mólsheri bala sanyna qaraı eseptelip tólenedi. Kóp balaly otbasylardaǵy 4 balaǵa – 50 975 teńge, 5 balaǵa – 63 727 teńge, 6 balaǵa – 76 479 teńge, 7 balaǵa – 89 231 teńge, 8 balaǵa – 101 760 teńge, 9 balaǵa – 114 480 teńge, 10 balaǵa – 127 200 teńge, 11 balaǵa – 139 920 teńge, 12 balaǵa – 152 640 teńge, 13 balaǵa – 165 360 teńge, 14 balaǵa – 178 080 teńge, 15 balaǵa – 190 800 teńge, 16 balaǵa – 203 520 teńge nemese ár balaǵa 12 720 teńge tólenedi.
Eske salaıyq, kóp balaly otbasylarǵa olardyń tabysyn esepke almaı beriletin memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kóp balaly otbasylardy qoldaýdyń úsh negizgi baǵyty aıasynda engizilgen.