Jańa týǵan qasqyrdyń geni genetıkalyq úlgileri alynǵan qasqyrmen birdeı.
Ólip qalǵan arktıkalyq qasqyrdyń genetıkalyq úlgilerinen jasalǵan embrıon ıttiń qursaǵyna salynǵan, dep habarlaıdy Almaty-akshamy.kz Egemen.kz silteme jasap.
Maııa - álemdegi alǵashqy klondalǵan arktıkalyq qasqyr. Ol joıylyp ketý qaýpi tóngen qasqyrdyń ózge túrleri úshin úmit sáýlesin syılaǵan.
Klondalǵan qasqyrdy dúnıege ákelgen ǵalymdardyń aıtýynsha, ol 9 aı buryn Qytaıdyń soltústigindegi haıýanattar baǵynda ólgen basqa arktıkalyq qasqyrdyń genetıkalyq úlgileri arqyly alynǵan. Keıin embrıon bıgl tuqymdas ıttiń qursaǵyna salynǵan.
«Jańa týǵan qasqyrdyń geni genetıkalyq úlgileri alynǵan qasqyrmen birdeı. Biraq klondalǵan janýar basqa qasqyrlarmen emes, ıttiń janynda júrgen», - deıdi jobany jasaýshy Sinogene Biotechnology kompanıasynyń menedjeri Száo Szınpın.
Sinogene Biotechnology kompanıasy atalǵan oqıǵanyń nátıjesi joıylyp ketý qaýpi tóngen túrlerdi saqtaýǵa úles qosa alatyn genetıkalyq tehnologıadaǵy úlken jetistik dep otyr. Degenmen, janýarlardy klondaý qaıshylyǵy kóp áreket ekeni ras. Máselen, ǵylymı qoǵamdastyqtyń keıbir toptary klondaý etıkaǵa jáne bıoártúrlilikke orasan nuqsan keltiredi degen pikirde. Biraq bul kúmándi qýattaıtyn da, joqqa shyǵaratyn da mardymdy argýmentter áli de bolsa dáleldeýdi qajet etetin syńaıly.