Qazaqstan avtoodaǵynyń sarapshylary avtokólik salasyndaǵy jaǵdaıǵa qatysty boljamdarymen bólisti.
Baǵa boljamy
Sarapshylardyń málimetinshe, ótken jyldyń qarasha aıynda Qazaqstanda jańa kólikterdiń ortasha saralanǵan baǵasy 14,8 mıllıon teńgeni qurady. 2022 jylǵy baǵamen (15,2 mln. teńge) salystyrǵanda bul 2,3 paıyzǵa tómen. Sarapshylar baǵanyń tómendeýin Jańa jyl aldyndaǵy jeńildiktermen, aksıalarmen jáne dılerlerdiń arnaıy usynystarymen túsindirdi. Osylaısha, jeltoqsan aıynda avtosalondar tutynýshylarǵa bes júz myńnan tórt mıllıon teńgege deıin jeńildik jasady.
«Bul salaýatty báseke jáne árbir dıler jyl sońyna deıin jaqsy nátıjelerge qol jetkizýge umtylýda. Degenmen, jańa kólikter baǵasynyń odan ári tómendeýin boljaý qıyn. Óıtkeni olar ártúrli syrtqy faktorlarǵa, sonyń ishinde valútalyq aýytqýlar men logıstıkalyq jaǵdaıǵa baılanysty. Pandemıa kezinde jetkizý tizbegi men logıstıkalyq prosesterdegi turaqtylyqtyń mańyzdylyǵyn kórsetedi.
Biraq el ishinde avtokomponentter zaýyttaryn salýdy eskersek, óndiristegi qazaqstandyq qamtý úlesi artady. Bul ımport pen logıstıkaǵa táýeldilikti ishinara azaıtady, ári óz kezeginde baǵa belgileýge syrtqy faktorlardyń tgizetin áserin álsiretedi», - deıdi Qazaqstan avtomobıl odaǵynyń sarapshylary.
Eski kólikterdiń baǵasyna keletin bolsaq, sarapshylardyń pikirinshe, ony jeke adam kóliktiń tehnıkalyq jaǵdaıyn eskere otyryp, derbes belgileıdi.
Resmı túrde usynylǵan brendter
Búginde Qazaqstanda kóptegen iri álemdik avtomobıl brendteri usynylǵan. Olardyń ishinde: Hyundai, Chevrolet, Kia, Chery, Toyota, Haval, Jac, Changan, Jetour, Exeed jáne t.b.
Jaqyn arada elimizde Skoda, Changan, Chery jáne Haval markaly kólikter shyǵaryla bastaıdy. Qazaqstandyq kólik naryǵynda basqa da jańa brendter paıda bolýy múmkin.
«Avtodılerler búginde tutynýshylarǵa ártúrli markalar men modelderdegi, ártúrli baǵa segmentterindegi avtokólikterdiń keń tańdaýyn usynady. Árbir dıler tutynýshylarǵa avtokólikterdi satyp alý úshin tıimdi jaǵdaı jasaýǵa tyrysady. Jalpy, bul Qazaqstandaǵy avtomobılderdi satý naryǵyndaǵy salaýatty básekelestiktiń bar ekenin kórsetedi», - dep qosty sarapshylar.
Qazaqstanda qansha kólik tirkelgen?
Ulttyq statısıka búrosynyń málimetinshe, 1 jeltoqsandaǵy jaǵdaı boıynsha elimizde 4 631 301 jeńil kólik tirkelgen. Olardyń shyqqan jylyna qaraı:
úsh jyldan aspaıtyn – 280 871 birlik (6,1 paıyz);
úsh jyldan jeti jylǵa deıin – 522 972 birlik (11,3 paıyz);
jeti jyldan on jylǵa deıin – 622 650 birlik (13,4 paıyz);
On jyldan jıyrma jylǵa deıin – 1 083 151 birlik (23,4 paıyz);
Jıyrma jyldan joǵary – 2 115 571 birlik (45,7 paıyz).
«Osylaısha, elimizde 3,2 mıllıon jeńil avtokóliktiń (69,1 paıyz) 10 jyldan asqan. Bul – avtoparkti jańartýdy qajet etetinin kórsetedi. Sonymen qatar, úsh jylǵa tolmaǵan kólikterdiń úlesi artyp keledi. Eskererlik jaıt, zańdastyrý nátıjesinde el aýmaǵyna bir mezgilde kóptegen eski kólikter kirgenin eskerińiz. Osylaısha 2023 jyldan bastap elimizde 10 jyldan asqan avtokólikterdiń salmaq úlesi artty. Ótken jyly jeńil avtokólikterdi bastapqy tirkeý boıynsha operasıalardyń eń kóp sany maýsym aıynda – 57 816 tirkelgen. Kólikterdiń kóbi zańdastyrýdyń ruqsat etilgen merziminiń sońyna qaraı zańdastyryldy. Sonymen qatar, maýsym aıynda aldyńǵy aıǵa qaraǵanda jeńil avtokólikterdiń ımporty ósken. Bylaısha aıtqanda, ımport tek 1 389 kólikke óskenin baıqadyq. Iaǵnı, shetelde tirkelgen avtokólikter belgili bir ýaqyt ishinde elimizde bolǵan kezde statısıkalyq esepke alynbaǵandyqtan, 10 jyldan asqan kólikterdiń úlesi 69,1 paıyzǵa nemese 3,2 mıllıon danaǵa jaqyndady», - dep atap ótti sarapshylar.
Olardyń aıtýynsha, otandyq óndirýshiler aldaǵy eki jylda jańa kólikterdiń óndiris kólemi artady dep senip otyr. Bul jalpy alǵanda kólik parkin jańartýǵa áser etetinin rastaıdy.
Eń tanymal avtomobıl brendteri
2023 jylǵy satylym nátıjeleri boıynsha jańa kólikter arasyndaǵy eń tanymal on brend:
Hyundai – 46 725 avtokólik satyldy (ótken jylmen salystyrǵanda 62 paıyzǵa kóp);
Chevrolet - 45 807 birlik (+34 paıyz);
Kia - 25 495 birlik (+77 paıyz);
Chery - 12 229 birlik (+174 paıyz);
Toyota - 10 756 birlik (+12 paıyz);
Haval – 7 558 birlik (+404 paıyz);
Jac - 7 514 birlik (+123 paıyz);
Changan – 6 087 birlik;
Jetour – 3 930 birlik;
Exeed – 3 884 birlik (+107 paıyz).
Qazaqstannyń avtomobıl ónerkásibiniń boljamdary
«Jańa zaýyttardyń, sonyń ishinde avto bólshekter shyǵaratyn zaýyttardyń salynýyn eskere otyryp, biz avtomobıl ónerkásibiniń perspektıvaly ósimin kútemiz. Óndiris kólemin ulǵaıtý, kólikterdiń nomenklatýrasyn keńeıtý, óndiristi oqshaýlaýdy tereńdetý, jańa jumys oryndaryn qurý kútilýde. Osynyń barlyǵy elimizdiń álemdik avtomobıl naryǵyndaǵy pozısıasyn nyǵaıtýǵa kómektesedi», - dep qorytyndylady Qazaqstan avtomobıl odaǵynyń sarapshylary.