Bul jaıynda qoǵamdyq talqylaýǵa shyǵarylǵan Qazaqstannyń 2029 jylǵa deıingi Ulttyq damý josparynda aıtylǵan, dep habarlaıdy Almaty-akshamy.kz.
«Ótken onjyldyqta Qazaqstannyń ekonomıkalyq ósýi jahandyq ekologıalyq faktorlarmen birge ekologıalyq syn-qaterlerdi kúsheıtken qorshaǵan ortanyń jaı-kúıine eleýli áser etýmen qatar júrdi. Dınamıkanyń tómendeýine qaramastan, Qazaqstan parnıktik gazdar shyǵaryndylarynyń kólemi boıynsha top-20 eldiń qataryna kiredi jáne aýadaǵy zıandy bólshekter deńgeıi boıynsha eń «lastanǵan» elder reıtıńinde 40-shy orynda tur. Jyl saıyn aýanyń lastanýy 10 myńnan astam mezgilsiz ólimge ákep soǵady jáne Dúnıejúzilik banktiń zertteýlerine sáıkes, Qazaqstan ekonomıkasyna 10,5 mlrd AQSH dollarynan astamǵa zıan alyp keledi. Sońǵy jyldary Qazaqstanda bastalǵan turaqty damý men jasyl ekonomıkaǵa belsendi kóshý osy syn-qaterlerdi sheshýge arnalǵan: el Parıj kelisimi boıynsha óziniń mindettemelerin rastaı otyryp, 2060 jylǵa qaraı kómirtegi beıtaraptyǵyna qol jetkizý jónindegi órshil maqsattardy jarıalady», - delingen qujatta.
Qazaqstanda orta jáne uzaq merzimdi perspektıvadaǵy mańyzdy syn-qaterlerdiń biri sý resýrstaryna joǵary júkteme bolady. BUU DB klımattyń ózgerýi nátıjesinde 2040 jylǵa qaraı Qazaqstanda tushshy sý tapshylyǵy 50 paıyzǵa jetedi dep boljap otyr.
Negizgi faktorlardyń biri - sý tıimdiliginiń tómendigi. Sýdyń negizgi tutynýshysy sanalatyn aýyl sharýashylyǵynda sýdyń menshikti shyǵyny klımattyq-salystyrmaly elder deńgeıinen 2-3 ese joǵary. Al sý shyǵyny aýyl sharýashylyǵy áleýetiniń tolyq ıgerilýin tejep, 60 paıyzǵa jetedi.