TIME jýrnaly 2024 jyldyń «Jyl adamy» ataǵyna úmitkerlerdiń tizimin jarıalady. Tizimge bıylǵy jyly álemge erekshe yqpal etken tulǵalar kirdi. Bul ataq 1927 jyldan beri beriledi jáne ol adamnyń, toptyń nemese ıdeıanyń ótken 12 aıdaǵy álemge áserin aıqyndaıdy. Bul yqpaldyń oń nemese teris bolýy mańyzdy emes.
Úmitkerler tizimi:
- Kamala Harrıs – AQSH-tyń vıse-prezıdenti jáne 2024 jylǵy prezıdenttik saılaýda Demokratıalyq partıanyń kandıdaty.
- Ilon Mask – Tesla men SpaceX bas dırektory, álemdegi eń baı adam.
- Donald Tramp – AQSH-tyń 47-shi prezıdenti.
- Keıt Mıddlton – Ýels hanshaıymy, bıyl oǵan qaterli isik dıagnozy qoıylǵan.
- Bınámın Netanáhý – Izraıl premer-mınıstri.
- Iýlıa Navalnaıa – Reseılik oppozısıoner Alekseı Navalnyıdyń jesiri.
- Djerom Paýell – AQSH Federaldy rezerv júıesiniń tóraǵasy.
- Djo Rogan – AQSH-taǵy eń tanymal podkast júrgizýshisi ári komık.
- Mark Sýkerberg – Meta kompanıasynyń bas dırektory.
- Klaýdıa Sheınbaým – Meksıkanyń alǵashqy áıel-prezıdenti.
TIME jýrnaly álemdegi saıasat, ekonomıka, mádenıet jáne tehnologıa syndy mańyzdy baǵyttarǵa yqpalyn tıgizgen tulǵalardy qamtydy.
2023 jyly bul ataqty áıgili ánshi Teılor Svıft jeńip alǵan bolatyn. 2024 jyldyń jeńimpazy 12 jeltoqsan kúni belgili bolady.
TIME jýrnalynyń «Jyl adamy» – jahandyq ózgerister men yqpaldyń sımvoly. Kimniń tańdalatyny búkil álem úshin qyzyqty jańalyq bolmaq.