Abaı atyndaǵy QazUPÝ-de Lotarıngıa ýnıversıtetiniń (Fransıa) fılıaly ashyldy.
Bul Memleket basshysy Qasym-Jomart Toqaevtyń elimizde jetekshi sheteldik joǵary oqý oryndarynyń fılıaldaryn ashý týraly tapsyrmasyna sáıkes júzege asyp otyr. Bul jobaǵa QR Ǵylym jáne Joǵary bilim mınıstrliginiń qoldaýyna orasan zor, dep habarlaıdy aqshamnews.kz.
Lotarıngıa ýnıversıteti Fransıanyń 13 qalasynda 49 oqý ǵımarattary bar jetekshi fransýz ýnıversıtetteriniń biri. Ári (Université de Lorraine) – fransýz memlekettik zertteý ýnıversıteti bolyp tabylady. Lotarıngıa ýnıversıtetimen Abaı ýnıversıteti arasynda yntymaqtastyq burynnan jolǵa qoıylǵan. Iaǵnı Abaı atyndaǵy QazUPÝ men birge 2018 jyldan bastap "Halyqaralyq quqyq" qos dıplomdy bilim berý baǵdarlamasy júzege asyrylyp keledi.
Lotarıngıa ýnıversıtetiniń saltanatty sharasyna arnaıy kelgen Qazaqstan Respýblıkasy Ǵylym jáne Joǵary bilim mınıstrliginiń Joǵary jáne joǵary oqý ornynan keıingi bilim komıtetiniń tóraǵasy Gúlzat Kóbenova men Fransıanyń Qazaqstandaǵy Tótenshe jáne Ókiletti Elshisi Sılvan Gıoge arnaıy memorıaldyq taqtany ashty. Budan soń, qonaqtar fransýz tilindegi alǵashqy Ortalyq-Azıa kitaphanasynyń ashylý saltanatyna kýá boldy. Abaı ýnıversıtetiniń profesor-oqytýshylary jáne stýdentteri men kezdesken mártebeli meımandar Lotarıngıa ýnıversıteti fılıalynyń ashylýy bilim jáne ǵylym salasyna jańa lep alyp keletindigin jetkizdi. Jıynǵa Lotarıngıa ýnıversıtetiniń Quqyq, ekonomıka jáne basqarý ınstıtýtynyń dırektory Per Tıfın, QR Prezıdent janyndaǵy Adam quqyqtary jónindegi komısıanyń tóraǵasy Igor Rogov, Abaı atyndaǵy QazUPÝ-niń rektory Bolat Tilep, QR Syrtqy İster Mınıstrliginiń Almaty qalasyndaǵy Ókildiginiń Basshysy Jánibek Ábdirashov, Qazaqstan-Fransıa Saýda-Ónerkásip palatasynyń Bas dırektory Mýnıra Artyqbekova t.b basqa qonaqtar qatysyp, ýnıversıtet fılıalynyń aldaǵy atqarar isine sáttilik tiledi.
Aıtýly kúnde 1 kýrs stýdentterine rektordyń bilim granttary tabys etildi. Sondaı-aq Lotarıngıa ýnıversıtetiniń dıplomdary "Halyqaralyq quqyq" qos dıplomdy baǵdarlamasynyń túlekterine arnaıy berildi. Al Sorbonna-Qazaqstan ınstıtýtynyń 5 úzdik stýdentine "Freedom Shapaǵat" korporatıvtik qorynan aı saıynǵy 50 myń teńge mólsherindegi stıpendıa sertıfıkaty usynyldy.
Arnaıy ótken jıynnan soń, Abaı ýnıversıteti QR Prezıdent janyndaǵy Adam quqyqtary jónindegi komısıasymen, Lotarıngıa ýnıversıtetiniń Quqyq, ekonomıka jáne basqarý ınstıtýty jáne Qazaqstan-Fransıa Saýda-Ónerkásip palatasy arasynda birneshe ortaq kelisim jasalyp taraptar ózara memorandýmǵa qol qoıdy. Aldaǵy ýaqytta bilim, ǵylym jáne adam quqyqtary salasyndaǵy ózara tıimdi yntymaqtastyqty damytý, quqyq salasyndaǵy fransýz-qazaqstandyq qos dıplom baǵdarlamasyn iske asyrý, kásiptik daıarlaý, jumysqa ornalastyrý jáne fransýz tilin úırený salasynda ózara tıimdi yntymaqtastyqty damytý boıynsha ortaq jobalar ary qaraıda jandanatyn bolady.